نفساني - عرض مشاركة واحدة

19-07-2013, 06:57 PM

هلع اكتئاب رهاب وسواس

من استوت الدنيا والأمور موجوده

نحن لا لنا لاحول ولاقوة

خلنا نعيش حياتنا بلاخوف

لازم نساعد عمرنا، صدقوني محد بيسأل عنكم

غير انفسكم، ونحن كل يوم نبكي من المعاناه

اصرخوا بأعلى صوتكم قولوا خلاص بتغير

حاولوا

مافي شي ماله علاج

بس نحن ماعندنا صبر

لأنه كل شي مذكور قي القرآن

كل واحد يعاني يشوف حجم معاناته وكل واحد

روحه غاليه عليه

وبما انها غاليه اسعدوها دلعوها

طنشوا مايتعبكم

اللي في قلبه ذرة غرور مايدخل الجنه

بس انتوا اغتروا بأنفسكم وكبروا من مقامكم

وقولوا خلاص من اليوم وساير مايهزنا ريح

كفى اللي راح من عمرنا في هم

ادري الكلام سهل، لكن حاولوا

انتوا تستاهلون كل خير وهذا ترى ابتلاء

وفي ادعيه للابتلاء

اتبعوا الخطوات وتوكلوا على الله

اتمنى لنفسك الخير، اتمنى لنفسك الشفاء

لاتزيد عمرك هم، يكفي اللي فيك من الوسواس والاكتئاب فلاتزيدها بالاهمال

صح الواحد يحس كل شي ماله طعم، بس هالمره غيروا وقولوا نحن تغيرنا

اشترك لك شي تحبه او لبس يديد حتى لو مش ناقصنك شي

حتى لو ماتحس بلذة اللي تمتلكه

فقط عشان تطلعون من اللي انتوا فيه

قولوا انا استاهل اطلع وألبس واستانس

ابحثوا لكم عن وظيفه

عن مايشغلكم

والله يوفق كل شخص يقرأ الرد