الرضوي

بيانات اضافيه [ + ]

رقم العضوية : 44144  تاريخ التسجيل :  07 2013  أخر زيارة : 25-09-2013 (07:48 PM)  المشاركات : 16 [ + ]  التقييم :  10

لوني المفضل : Cadetblue

السلام عليكم يا اخواني / اخواتي
كل عام و أنتم بخير
كيف حالكم و كيف الرمضان معكم؟
يا احبابي انا ليا تقريبا يومين متابع الموضوع عندكم و شفت معلومات كثيرة و حبيت استفسركم بخصوص موضوعي و إن شاء الله أستفيد من عندكم
المهم أنا موضوعي إني أنا أبن مواطنة من أب اجنبي غير عربي و عمري 25سنة موظف في برج الساعة عند الحرم الحمدلله و ما شاء الله بمنصب إداري و قدمت لبنت سعودية ناس طيبين و ما شاء الله خطبتها و كل شي و يوم رحنا للشرطة عشان نأخذ الطلبات للعقد ما اعطوني شي قالوا لازم تأخذ الموافقة من وزارة الداخلية لانه عمر البنت 23 ولا توجد قرابة بيننا بس هي كملت 22 سنة في شهر 5 و دخلت 23 الله يطولي بعمرها و يخليها ليا يارب المهم قلت لهم طيب أنا أبن مواطنة و عندي هوية جديدة بمهنة أبن مواطنة ما لي إستثناء و أنا حسب كلام الحكومة أعتبر زي أي سعودي ف وين حقوقي؟ قال بصراحة الحكومة صححوا وضع أبناء السعوديات و لسه حتى موضوع التجنيس تحت الدراسة و لكن بالنسبة لموضوع الزواج ما عندنا اي أوامر جديدة عشان كده لازم تأخذ الموافقة ف المهم قدم أبوها الأوراق للوزارة الداخلية و جلست هناك تقريبا 10أيام و راحت من هناك يوم تابعتها بالنت أنكتب الإدارة الداخية محال إليها : إدارة الحقوق الخاصة و منها إلى إمارة منطقة مكة المكرمة و جلست في الإمارة تقريبا أسبوعين و راحت إلى شرطة منطقة مكة المكرمة مع المجموعة و بعدين راجعتهم هناك قالوا راحت إلى البحث الجنائي و جلست هناك أسبوع أو أقل و راحت للمكتب الزواج بشرطة جدة قبل الرمضان بيوم و بس و من وقتها إحنا جالسين ننتظر و إلى الأن ما عرفنا ايش صار بموضوعنا لانه جالسين ننتظر تروح للشرطة العاصمة عشان خطيبتي من مكة و أنا من جدة بس عملي في مكة المهم كل ما كلمت العساكر في مكتب الزواج ما قالوا كلام الا الي يحطم و يقولوا مو أنت تراجع و الي يقول جاأت حسب التعليمات و الي يقول لسه ما وصلت و عندي واحد زميلي عنده واسطات في الداخية و الإمارة قال هي جاءت بالموافقة يارب كلامه صح!!! و أنا إلى الحين والله يا أحبابي جالس زي المجانين و مهموم ماني عارف ايش نسوي اذا لا سمح الله جات بدون موافقه وربي حتى خطيبتي نفسيتها تعبانة لانها لسه خايفه من التحاليل وأنا أكثر وربي جالس أكلم الناس يمين يسار و كلهم يطمنوني يقولوا لا تقلق أنت أبن مواطنة و أنت أولة عن أي اجنبي أنك تزوج السعودية و أنت ولد بلدنا و المواطنة السعودية بنت بلدك و راح تتزوجوا قريبا إن شاء الله.
أدعولنا يا أخواني و أخواتي والله العظيم أحس بالظلم الي صاير أنا أبن مواطنة و جالس أتلطع كده والله حرام حسبي الله عليهم الي يعقدوا للناس في الحلال لو الشباب يسوو علاقات محرمة يقولوا لك عذاب من الله و ربنا بيعاقبك و لما ينوو الحلال ما يساعدوهم والله هذا حرام ترى أنا أشتغل عند الحرم بس البلاوي الي أشوف والله أحزن على أخواني و أخواتي المسلمين و كمان أخاف على نفسي من وسواس الشيطان و أبغى أستر على نفسي و على البنت الحلال ياريت الناس تفهم و تساعد الشباب و البنات في الحلال و بإذن الله ربنا معنا دام نيتنا حلال و يوفقنا جميعنا يارب.

ملاحظة : يا أحبابي أرجوكم أفيدوني إذا احد فيكم او معاريفكم مر بنفس الإجراءات و تأجتهم الموافقة ولا كيف أخذوا الموافقة أدونا الطريقة الي ما تطول؟