نفساني - عرض مشاركة واحدة

19-08-2013, 01:16 AM

دالسلام عليكم ورحمة الله وبركاته
انا مش عارفة ابتدى مشكلتى منين بس معلش استحملونى شوية لانى مشكلتى طويلة انا بقالى تقريبا 6 شهور ونص بعانى من وسواس الموت فى يوم كنت بصلى وانا بصلى جالى زى هاتف كدة انى هموت قريب فسترسلت مع الفكرة وبدأت اتعامل معها على انها حقيقي وبدأ عندى خوف ورعب وعلطول بفكر فى شكل المقابر وظلماتها وياترى ربنا هيكون راضى عنى ولا لأ فبدأت اراجع نفسى فى كل شىء فى حياتى واشوف ايه الحلال وايه الحرام مع ان انا محجبة ولكن لسة مش ملتزمة بلبسه على اكمل وجه يعنى بلبس بنطلونات وعليها حاجات طويلة وكدة وبصلى وبصوم وبقرأ قرأن ومع ذلك علطول مش حاسة ان ربنا هيكون راضى عنى وبقيت احس لو قعدت امام التلفزيون لمشاهدة فيلم حرام اقوم من امامه لو سمعت حاجة فيها موسيقى اقول لا حرام مسمعش حسيت ان كل الابواب اللى بترفه بيها كلها اتقفلت واتخنقت ومع كمان احساس الموت مريت بحالة اكتئاب صعبة جدا للعلم انا ام لطفلين مبقتش حاسة باولادى ولا واجباتى ناحيتهم واهتمامى بنفسى وشكلى ولبسى وكل حاجة اقول حرام لحسن اموت وربنا يحاسبنى ومهما حد يقولى مش حراااام ببقى مش مقتنعة غير باللى فى دماغى وبس تطور الامر ان كل يوم بقول لنفسى انا ممتش النهاردة يمكن بكرة وعلطول على هذا الحال يوميا تفكير بالموت 24 ساعة مش عارفة ارجع لنفس حالتى الاول مش عارفة ارجع زى ما كنت احب الدنيا ويبقى عندى امل كل لما اقول ده وسواس حاجة تقولى يعنى انتى كدة ضمنتى انك مش هتموتى طيب مايمكن تموتى بكرة يمكن تنامى متقوميش وتركت زوجى ومبقتش حاسة فى حاجة انا بعملها فى يومى غير انى افكر انا هموت امتى وياترى هموت فعلا ولا ده وهم مع ان انا الحمدالله معنديش امراض عضوية علطول حاسة انى مش هربى ولادى ومش عارفة اتجاهل الافكار مش عارفة اعمل ايه اخدت دواء ومعملش حاجة واقعد اقول لنفسى يعنى الدوا هو اللى مش هيموتك مش عارفة اعمل ايه وسواس موت و وسواس حلال وحرام
فى حد يساعدنى اطلع من اللى انا فيه

المصدر: نفساني