السلام عليكم و رحمة الله و بركاتة

أحاسيس جديدة أتعبتني
أكتب لعل أستطيع أن أنزع الهم اللي فيني

وسواس الموت الكل يعاني منه
لكن الغريب ان كلنا نمر بأحاسيس غريبة صح ؟

أنا أعاني منه من شهور سنة تقريباً
لكن كل ما تمر فترة أحس في شيء تغير

يعني قبل لما كنت طفلة
كانت بس تيني افكار ووقت النوم

لاني كنت طفلة ما كان عندي شي اسويه
ف كان يأتيني الوسواس و كنت اخاف انام

ف بكل براءة كنت اقام النوم

و كانت تأتيني هالأفكار بين فترة و فترة و لكن تروح

ماشي أعراض ولا شي مجرد فكرة و إحساس بسيط جدا

كبرت , و دخلت الثانوية

فجأة أحس إن الفكرة ترجع لي و تروح .. و بدون اعراض


لكن العام
لمّا جاني هالوسواس
كنت صدق صدق في هممممممممم شديد

كنت اصيح 24 ساعة
و خايفة و انتظر شو راح يستوي
اشوف الساعة
و اخاف ..
تركت الجامعة لاني حسيتها كئيبة
لكن يلسة البيت خلتني أكتئب أكثر

بس الحمدلله عقب بديت أتأقلم و بديت أضحك ..

و رديت للجامعة

لكن الحين أحاسيسي تغيّرت و أفكاري تغيّرت

أحساس قوي مهاجمني مخليني أفكر 24 ساعة

و خصوصاً الليل .. ماقدر اسوي شيء غير اني افكر و اخاف

و اللي زاد الطين بلّه
اني كنت ويا اهلي و اشوف مسلسل

في المسلسل ..
انه شيء شاب يحلم انه ابوه و اخوه يتركونه في غرفة مظلمة و يروحون عنه
و كان دوم يحلم بهالحلم دائماً خايف
و متضايق و يقول ضيق مايدري ليش

اليوم الثاني مات ..

بدأ الوسواس يلعب فيني لعب

شو هالاحساس اللي ياه؟
وليش انا شفت المسلسل ؟
شو يعني ؟

و تميت اوسوس و اوسوس

تويتر كل ما ادخله اخاف اكتب اي شي فيه دعاء

ليش؟

يمكن لاني ياما قريت قصص عن اشخاص توفوا
و كان الاكاونت مالهم فيه ادعية و الخ .....

او ؟

صرت اخاف من اي دعاء فيه اسم الله

اكيد هالشيطان .. لكن الله الشيء مُتعب

كل شي صاير يخوف ..

دائماً يجيني احساس .. لا تلبسين هذا بتموتين لا تسوين هذا لا تكتبين هذا



و اللي يخوفني*

اني قاعدة افكر في الماضي بشكل مب طبيعي
يعني فجأة تجي في بالي أشياء حصلت قبل
و هالشيء مخوفني ،
وايد أفكر في أشياء و أخاف و أحاتي
و أربطها بالموت و أقول ليش و ليش؟
هل هذا أمر طبيعي ؟
هل تفكرون في الماضي !!!!

و ساعات أتخيل إني أشوف أشياء ..
و في الحقيقة أنا ما أشوف

بس يمكن لأن لما توفت جدتي
كانوا يرمسون و يقولون انها كانت تشوف و تشوف

ف قمت أتوهم إني بشوف ؟
و يوم أقول وهم أحس في شي يقول لا !!

خايفة .. حتى و أنا أكتب خايفة ,

المصدر: نفساني