نفساني - عرض مشاركة واحدة - زواج السعوديه من غير السعودي ( الأجنبي ).

29-08-2013, 10:10 AM

اقتباس:

المشاركة الأصلية كتبت بواسطة تشيكا

السلام عليكم بنات.

لي مدة طويلة متابعة المنتدى وشفت مشاركات كثير الحمدلله ربي تمملهم.

أنا وضعي صعب لأني اواجه ضغط من أهلي ولسه قدامي وقت لما أقدم.
بس حابة اسأل عن الوظيفة. الشخص اللي متقدملي جنسيته اوروبية لكن اصوله عربية ومنصبه كبير في جامعته في بلده.
وأنا عندي وظيفة وماني عارفة هل راح اواجه مشاكل كبيرة بسبب اني موظفة وهو غير مقيم؟
والله يابنات تعبت مرة ونفسيتي كل مالها تسوء.
طبعا أنا راح أقدم استقالة وراح اكمل تعليم عالي في بلده لما يكتبلنا ربي.
بس مرة متخوفة وحاسة كل الأمور ملخبطة.
هل في وحدة تزوجت غير مقيم وهي موظفة؟ كيف صارت الأمور وكيف كان التقديم؟
هل يعقدوها اكثر مما هي معقدة للي في وضعي؟
دعواتكم يابنات هذا المنتدى الوحيد اللي لقيت فيه أحد يرد ويستفسر ويناقش هذي المسائل.

الوظيفه مالها دخل ولا فيها مشاكل ولا شي الا اذا كانت وظيفتك من الفئات الممنوعه
انا كنت موظفه لما قدمت المعامله وفيه ناس قالولي لما تكوني موظفه يعقدوها لك لكن ماصار ولا يهمهم اذا موظفه او لا وانا لما قدمت ورقة تعريف الراتب وضعت راتب اقل خوف من التعقيد لكن مااهتموا ولا دققوا ابداً لكن يدققوا براتب العريس بما انه هوا اللي المفروض يفتح البيت
اما طريقة تقديمك بما انه غير مقيم إما بإسمك او بطلب ولي امرك من الاماره التابعه لها
مافيها تعقيد زياده نفسها نفس ان كان مقيم بس الاجراءات الاخيرة مختلفه يعني المعامله تأخذ طريقين او جزئين الجزء الاول كله لك لوحدك وبعد ماتنتهي وتجي الموافقه يبدأ الجزء الثاني للزوج الغير مقيم عكس معامله المقيم تكون كلها جزء واحد والموافقه اخر شي وبعدها المحكمه

موفقه عزيزتي ان شاالله اكون افدتك باللي اعرفه