بسأمل ــة

بيانات اضافيه [ + ]

رقم العضوية : 4946  تاريخ التسجيل :  10 2003  أخر زيارة : 08-10-2004 (10:07 PM)  المشاركات : 105 [ + ]  التقييم :  10

لوني المفضل : Cadetblue

السلامعليكمورحمةاللهوبركاته

أسمحلي أخوي ثامر بالرد في موضوعك الرائع ..وعلى ما فهمت إنت تقصد العلاج بخط الزمن time line therapy وهومستخدم كتقنية من تقنيات علم البرمجة اللغوية العصبيةnlp

فإذا كان هذا هو قصدك أسمحلي أذكر بعض المعلومات إلي أتعلمتها في الدورات إلي أخذتها وما زالت فيها ..وإذا ما كانت هي المطلوبة فتكون معلومات عامة للجميع..::7

- خط الزمن عبارة عن خط وهمي يمثل تجارب الإنسان في الماضي والحاضر والمستقبل وتكون في ذاكرته أو عقله الباطن اللاوعي وتختلف باختلاف الأحداث والأشخاص ..

- وكل فترة زمنية تنقسم لفترات يعني الماضي مثلا ينقسم إلى الماضي القريب والماضي البعيد والماضي السحيق أو الغابر، يعني على ما يقولوا في الأمثال من سنة ما حفروا البحر ..ونفس الكلام ينطبق على الحاضر والمستقبل ...ونلاحظ انه الزمن نفسه كتقسيم ما بين بعيد وقريب وغابر يختلف من شخص لآخر يعني ممكن إنسان يكون الماضي القريب عنده أمس وشخص ثاني الماضي القريب قبل أسبوع ..

- وغير كده الأشخاص نفسهم يختلفوا في طريقة تعايشهم مع الأزمان الثلاث (الماضي والحاضر والمستقبل )
يعني بالنسبة للماضي يكون الناس نوعين : ناس يعيشوا الماضي السلبي بكل أحزانه وآلا لامه وجروحه ، وناس يعيشوا الماضي الحلو والذكريات السعيدة

- أما بالنسبة للحاضر كمان ينقسموا لفئتين : الأولى تعيش الحاضر المتعب والمرهق والإحباط واليأس وفي النهاية الغالب ينتحروا ..والفئة الثانية تعيش الحاضر بكل لحظاته وتهمل مستقبلها ...

- أما المستقبل وما أدارك ما لمستقبل فهم على نفس النظام يعني نوعين : الأول يفكر في المستقبل المظلم والمجهول والمخيف ..والنوع الثاني لا عكسه يعيش المستقبل المشرق والأحلام المحققة .

- لكنالأفضلطبعاإنهالواحديستفيدمنماضيهويعيشحاضرهويخططلمستقبله

- ومن كلام الإنسان نقدر نعرف مفاتيح خط زمنه والطريقة إلي يستخدمها في تخزين ذكرياته وهاذي تساعدنا في العلاج .. والتعامل معاه .

- وتقنية العلاج بخط الزمن تفيد في تعديل وتحسين الخبرات الماضية إلي لها تأثير سلبي على حاضر الفرد ومستقبله ..

- وبصفة عامة الناس غالبا نوعين في الزمن – وخلال الزمن

- في الزمن وهو إلي يستمتع بكل لحظة من وقته ويتفاعل ويندمج وينسى الناس والعالم ... لكن ما يهتم بالتخطيط.

- أما خلال الزمن فهو يهتم بالوقت ودقة المواعيد والنظام ..يعني مطبق مبدأ كل شيء في وقته حلو ..ويهتم بالتخطيط ..ومنظم

-وأختم الكلام بمثال ذكره الدكتور في الدورة عشان يبين لنا خطورة خط الزمن في حياتنا ..

60% من حالات الطلاق في جدة سببها الخلاف بين الزوجين على .... المواعيد ....a::2 مثلا الزوجة تكون من فئة خلال الزمن الوقت عندها مهم والزوج من فئة في الزمن ..عيش لحظتك ...فيقوم مثلا يوديها زيارة عند أهلها أو السوق أو أي مكان ويقولها أر جعلك الساعة 7 المغرب ويمر على أصحابه إلين ما يجي الموعد ومن تلفزيون ..لكلام ..لعب طاولة وهلم جره ...ويمشي الوقت وما يتنبه صاحبنا إلا والساعة صارت ::1210...أفااااااااااا عن إذنكم يا شباب ترى مواعد الأهل ..طبعا ويروح لزوجته المسكينة وياريت يكون مستعجل لا..يروح بأبرد ما عنده ماسوى شيء اتأخر كم ساعة إيش يعني أنهدت الدنيا والزوجة تشوف هاذى إهمال منه ومتعمد يفشلها قدام أهلها وصاحباتها وكلمة منها وكلمة منه ..يدخل الشيطان وأعوانه ..وتشب حريقة بينهم ...

أو العكس ..يكون الزوج خلال الزمن وزوجته في الزمن وتروح مثلا زواج بنت عمتها ..بنت خالتها ..أي أحد ..المهم يقولها الساعة كم أجيك يا عمري ؟ تقوله : الساعة 3 زين يا عمري ..
وما تصير الساعة ثلاثa::2 إلا ويكون صاحبنا عند باب الصالة ينتظر زوجته ..تصير ثلاث وربع ..ونص ...أربع ..ونص ...طبعا كسر الجوال وهو يتصل يا إما ما في شبكه أو ما أحد يرد .وتصير الساعة خمس وتقوم الزوجة الحبيبة على البوفية وتتذكر جوالها وتلاقي فيه تسعين مكالمة من زوجها وصندوق الرسايل مليان هاذى لو كان جوالها له حد معين للرسايل ...يوووووووووووووه نسيت زوجي قلتله الساعة ثلاث يجي ..مع السلامة ياجماعة وطبعا إلين ما تسلم على فلانة وعلانة وعلتانه ..إن شاء الله تكون صارت الساعة 6 الفجر طبعا والزوج متنقع في السيارة من الساعة ثلاث ..وتخرج من الصالة وإلين ما تسحب في فستانها وخطوة خطوة لأنه الكعب الله يسلمكم طوله على الأقل 15سم وتركب السيارة ..وتبدأ تكلمه عن الزواج ..ما أقلك على فستان فلانة ولا تسريحة علانة ..إلى وهو قاب فيها إنت ما تستحين ..ما تنتخين ..ما عندك دم ..من الساعة ثلاث وأنا في السيارة كسرت الجوال ماتردي .مفتكرتني سواق عندك ..وهي ترد عليه بمحاضرة لو جايب سواق كان ريحت نفسك وريحتني وإيش فيها لو أستنيت شوية شوف زوج بنت عمي وبنت خالة أمي ..العيلة الكريمة كلها راح تجي ..وختامها ...الدورية تفك بينهم ..

آسفة على الإطالة ,أتمنى أكون وضحت بعض الأمور ..بانتظار مداخلات الأعضاء الكرام .