نفساني - عرض مشاركة واحدة

30-08-2013, 06:00 AM

السلام عليكم
دكتور احس بقلق وتوتر من مقابلتي للناس على حسب نوع الناس .. مثلا اتوتر كثيير بسبب الكبار في السن واتلعثم واحس ان صوتي مخنوق ويبان فيه الخوف اذا تكلمت
ونفس الشيء في الفصل اذا قرات امام الجميع احس بقلق وهلع قبلها خوف شديد واحس ان صوتي مخنوق ويبان على وجهي الخوف والتوتر ويداتي تصير باردة ورجولي ترتعش واضغط على اسناني واحس بنبض يمشي في جسمي وصوتي يررجف واتكلم بسرعة ويكون الوضع شنيع
ونفس الشيء يصير لي اذا تكلمت مع شخصية واثقة من نفسها اكثر مني ولها كاريزما
واتمنى ان الارض تنشق وتبلعني واكون سااكتة
وغالبا احس بهذا الاحساس مع اغلب الناس الا صديقاتي واهلي بس احيانا يزيد الخوف واصير اخاف منهم كمان

احيانا يخف هذا الاحساس واحيانا يزيد لدرجة انه يوصل حتى مع اقرب المقربين لي مااقدر اطالع في عيونهم
واحس بالقلق والتوتر اذا كنت محط انظار الجميع ومااعرف اتصرف وقتها واحيانا يتهيأ لي ان الناس كلها تطالعني
ومااقدر اتكلم مع مسؤول كبير او حتى مع البائعين في المطاعم اتوتر قبلها كثيير ويطلع صوتي مخنوق واكون حساسه لابسط كلمة واحس ان من داخله يستهزأ فيني
واحس نهايتي اذا احد اجبرني اطلع واتكلم قدام الناس ياالله على كمية التوتر اللي احس فيها والقلق واحس اني في كابوووس والان انا مقبلة على المرحلة الجامعية وخاايفة ومتوترة من هذا الشيء
وعندي رهاب شديد من المعلمين مااقدر اتناقش معاهم او اجاوب على اسئلتهم عندي خوف شنيع منهم
ايش الحل؟
والادوية عادي اقدر اشتريها من الصيدلية بدون روشتة ؟