سمبثاوي متفائل

بيانات اضافيه [ + ]

رقم العضوية : 44373  تاريخ التسجيل :  08 2013  أخر زيارة : 15-12-2014 (07:38 PM)  المشاركات : 42 [ + ]  التقييم :  10

لوني المفضل : Cadetblue

( ملك الارهاب )


انا الان طالب بالجامعة وموظف في نفس الوقت ومقر عملي مشكلين تقسيمة كل ثلاث موظفين يداومون يوم واحد بالاسبوع
. وانا يومي يوم الاربعاء والحمدلله الحين اخذ قبل لاروح الدوام مهديء الزناكس وصرت من اروع مايكون ومرتاح ومطمئن.
طبعا بهذي الطريقة لو استخدمت الزناكس لعشرين سنة مايضرني انشالله لاني احتاجة يوم واحد فقط بالاسبوع
اما الاسواق والمؤسسات الحكومية والديوانية وربعي المقربين مني لا احتاج ان اخذ الدوا قبل المواجهه
انا مشكلتي فقط في مقر عملي والناكس حل هالمشكلة وانا صارلي خمسة عشر عام معذب نفسي .


والدنيا وناخوكم ماتسوى لان فيها طريقين طريق متعب وطريق سعيد . وليش ما اختار الطريق السعيد افضل
ومن بعدها قررت اخذ الزناكس ولله الحمد يجيب معي نتيجة رائعة .واصبحت محبوب من الموظفين وصرت راعي سوالف وفرفشة
. ناس واجد يستخدمون مهدئات وحبوب نفسية لكن مايعلمون بسبب الفضيحة
والناس الاغلبية فيهم خسه ويشهرون بالانسان لكن انا الشياطين الزرق ماتقدر تكشف اني اخذ الزناكس . والحمدلله على كل حال



اذكر انا ايام الثانوية لما كان المدرس يقومني عشان اشرح شي على الطلاب كان وجهي يحمر حيل وترتفع حرارتة بشده لا متناهية الى ابعد مدى .
المهم مالك بالطويلة : وقبل لا ادش الجامعة سويت العملية وبعدها بشهرين قالت لي الدكتور ابيك تعمل موضوع يعجبك وتشرحة امام الطلاب
وقعد اسبوعين اوسوس والى جا هذا اليوم قمت امامهم ووضعت لوحتي وهي عن سيارة من انتاج شركة هيونداي كامبني . المهم
وهذي اول تجربة استطيع من خلالها اعرف هل العملية قضت على الاحمرار والعرق ام لا . المهم
قمت وشرحت امام الطلاب واما دكتورتنا الامريكية الجميلة والتي يغطي جمالها ربع الكون "
واقسم لك بالله ان مثل هذه المواقف المفروض ان يحمر وجهي واعرق جدا لدرجة اشعر انه سوف يغمى علي .
ولكن شرحت من دون احمرار ولا عرق مع ربكة خفيفة. واقسم بعزة الذي لا اله الا هو اني اخذت خمسة وعشرين من خمسة وعشرين
والعرض اللي قدمته خذيت عليه درجة كاملة ولم يشاهدني الطلاب ويشتغربون مني لانه العادة يحمر وجهي والجميع ينظر الي باستغراب
وعدت المحاضرة ورجعت للبيت مسرور جدا كأنه قد اهدي لي مليون دينار . ومن بعدها عرفت انه لايوجد احمرار عندي

عملية تدبيس العصب ضبطت معي منعت الاحمرار والعرق والحرارة بالوجه لكن للاسف الرعب والفوبيا مازالت معي ولم تذهب
يقولون ان قطع العصب السمبثاوي شيء سيء جدا . لانه بقطع العصب يكون العرق التعويضي غزير بشكل جنوني
انا الان اختفى مني العرق بنسبة خمسة وسبعين بالمئة ان لم يكن اكثر



000000000000000000



ملك الارهاب يرد على مستر احمرار

مستر احمرار: المؤخرة لاتعرق . الحذعين يعني الظهر والدكتور يقول راح تخف مع الوقت . وانت تقول تنصحني ولا لا عشان اجريها ؟
انا اقول انت حر لانها تختلف من شخص الى اخر .بعدين قصة ان العصب ينموا فوق التدبيس ما اعتقد ابدا "
وانصحك تسأل الدكتور حسام احمد فؤاد .وبعدين انا كان عندي ترهل بالجفنين والحين رجع طبيعي .
وقصة يفشون الرئة او مرة اسمع فيها ما ادري لو فشوا رئتي بصراحة. العرق له رائحة فقط بالابط مثل ماصار معي
وانا ارى انه يمكن التحكم فيه بالرواح مكان الابط ( يعني حط كريم بخاخ اي شيء).
وقصة اني اعرق طول الوقت " انا اقول لا لان يجب ان ابذل جهد او اني اتعرض للشمس او اكون في مكان ساخن
وعندها سوف اعرق عرق ليس بالغزير ولا القليل .
وبعدين قصة العرق يبان على الثوب ولا لا " صراحة يا خوي انا ماشوف انه يبان معي ابدا بس يبان بالملابس الداخلية .
بعد العملية ممكن تسافرعلى بلدك على طول بس افضل لك تقعد يومين او ثلاث عشان الالام المتعبة



000000000000000000



قويه ترد على مستر احمرار

اهلا اخوي مستر احمرار
مستشفى سعد بالخبر سويتها عند دكتور جراحه عامه ومناظير
اذا انت من الرياض عرفت من خلال بحثي عن دكتور شاطر اسمه ماجد المورقي في مستشفى الحبيب الموجود في الريان بس ظروفي ماسمحت اروحله
انا من سويتها وانا الحمدلله مرتاحه واقوم من النوم وانا احس اني بحلم ما اصدق اني سويت العمليه واحس اني صرت واثقه بنفسي اكثر
والخوف والحمره والاضطراب من اي شي راح باذن الله بس الى اللحين خايفه من المستقبل وش راح يكون تاثير العمليه بعد كم شهر
ومثل ماقلتلك مابعد جربت اثر العمليه علي بشكل اكبر لاني ماطلعت وشفت الناس



كلفت 15 الف ريال واتوقع في كل المستشفيات بهذا السعر
انا اشوف هنا احسن من تجهيزات المستشفى وانك تكون بين اهلك ولا تروح وتسافر وانت خايف ويمكن ينصب عليك ودكاترتنا فيها الخير والبركه
قبل كم سنه ماكان معروف التدبيس بس القطع اللحين صار معروف واتوقع شهرة الدكتور حسام من الموقع اللي الله يجزاه خير
عرفنا بهذا المرض واستفدنا منه الله يجعله بميزان حسناته
الدكتور اللي سوا لي العمليه اسمه خالد بخش بس ترا انا اول حاله يسوي لها تدبيس حمره بدون تعرق
يقول جتني حاله قبلك حمره وتعرق بس حمره فقط ماسويت



بالنسبه للتدبيس دبسلي الجهتين العقده الثانيه والثالثه يعني اللحين انا فيني ثمان تدبيسات
كل عقده فيها دبوسين جلست يوم في المستشفى وطلعت وانا تعبانه شوووي
اما بالنسبه للاحمرار الى اللحين ماصار بس راح اوافيكم بكل جديد اذا شفت الناس واجتمعت معهم ....
والعرق التعويضي يجيني وقت الحر يعني لما اعرق احس ظهري شوي فيه رطوبه واقدامي مرطبه بس ترا يختلف العرق التعويضي من شخص لشخص



طلعت من البيت والحمدلله اللحين انا مافيني شي ولا يالمني شي بس عند مكان الخياطه المكان متبنج ما احس فيه
وقلت للدكتور قالي مو متبنج هذا يمكن الاعصاب الحسيه تقطعت وبعدين ترجع مع الوقت
المهم رحت لعزيمه وجمعه كبيره وكنت مرتاحه مافيه خوف مافيه احمرار لمى اتكلم او احد يطالع فيني
والحمدلله حسيت اني واثقه بنفسي الحمدلله العمليه جابت النتيجه المطلوبه
بالنسبه للتعرق بس رجليني مع الحر تتعرق يعني موعرق كثير بس رطوبه بس اذا كنت في مكان مكيف ماتتعرق

انا استغرب ان نص وجهي الايمن بس هو اللي يتعرق ومو كله بس نص الانف الايمن والشنب الايمن وشوي من الجبهه
وماادري هل هذي الجهات تحمر اذا انحرجت ولمى انحرج اتعرق بس بشكل بسيط جدا