المشاركة الأصلية كتبت بواسطة أماني القلب

حبيبتي رديت عليكي قبل ما أقرأ هالرد بس ما طلعت مشاركتي.
والله حاسة فيكي وعارفة كل متاعبك اللي بتعانيها سلامتك والله ماتشوفي شر،حبيبتي شايفة كل الاعراض اللي معك كلها وهمية لو عرفتي هالشي وتأكدتي منه رح ترتاحي كتير،مش رح يصير لك شي ان شاء الله ، لصغر سنك مابنصحك بالادوية النفسية ياريت تشوفي معالج سلوكي وتبدئي معه الجلسات ورح تفهمي اللي بيصير معك وكيف تتعاملي مع الاعراض.
اتطمني رح تداومي بالجامعة وتكوني متفوقة ان شاء الله لو تركت هالتفكير والوساوس الوهمية وعرفتي انه اعراضك ومرضك مرض سخيف وممكن تتخلصي منه بسهولة بمجرد تغيير افكارك وتجاهل الاعراض والانجرار وراء الافكار المخيفة المضخمة و اللي ما الها اساس من الصحة، والدليل انك من 6 سنوات بتعاني هل صار لك شي من اللي فكرتي فيه وتخيلتيه ؟ طبعا ﻷ ، وهالمرة وكل مرة ان شاء الله مش رح يصير غير اللي كاتبه رب العالمين.
اقنعي اهلك انك تذهبي لمعالج سلوكي ومجرد فهمك للحالة وتطبيق الجلسات رح تتخلصي من كتير من معاناتك،الله يشفيكي ويوفقك يارب.