نفساني - عرض مشاركة واحدة

03-09-2013, 07:39 PM

اسمحوا لي على الفضفضه

الله ابتلانا لأنه يحبنا
ياما سمعتوا هالجمله، ومعظمكم مب قادر يستوعب هالكلام
يحبني ، فأنا مب راضي عن حالتي اللي أنا فيها

الله خلقني وهو يعرف يدبر أمري في الدنيا
لو شخص عزيز علينا وزعل شوف كيف نسعى
عشان نرضيه، لكن مانفكر نرضي الله اللي خلقنا

صدقوني ما اتفلسف، لكن انا فكرت انه مثل ما الله قّدر لي هالشي، فهو قادر ان ينزعه عني

بالعكس يمكن الواحد يتقرب لله اكثر وقبل يكون لاهي ، بغض النظر عن اللي ماعنده وسواس الموت

يمكن يعاني من الاكتئاب مثلا فيتقرب من ربه ويعمل صالحاً، فيكون سوّى شي

لكن الغافل اللي حتى ماعنده وسوسه بيكون عادي ويمكن يصلي لكن بعيد عن ربه ويمكن يموت على غفله من امور ثانيه
اللهم نسألك حسن الخاتمه ...

اذا صابك الغرور على مال عندك او وظيفه مرموقه او فيلا من احلى الفلل او سياره فارهه، وانت تعاني هذا كله ماله لذه
وليش ماتغتر على غيرك على ما ابتلاك الله فيه

قول انا مبتلى على الاقل ربي يكّفر عني، خذ الموضوع بطريقه ايجابيه، مابتحس بحزن .

يعني دوم بنعيش في سعاده مايعترينا شي!
أنا مش أول ولا آخر وحده أعاني
ياما قبلي عانوا، وفي ناس بتعاني عقبي...

انت تقدر تتكلم وتعرف تقرأ من الألف الى الياء تعرف حروف الهجاء
هل فكرنا نقول سبحان الله ؟
كلمات بسيطه جدا لكن ماتخطر على البال
الله يحب يسمعها منا
والباقيات الصالحات
الحمدللّہ ، ۆلٱ إلہ إلٱآللّہ ، ۆآللّہ أگبر

المصدر: نفساني