نفساني - عرض مشاركة واحدة

14-01-2004, 04:52 PM

بسم الله الرحمن الرحيم
و السلام عليكم ورحمة الله و بركاته

أما بعد:-
أخ ملحم يس :

إني اتكلم بصفتي كويتية , و عربية , ومسلمة

نحنا نحب كل عربي
وكل مسلم و أجنبي
عمر قلوبنا ما شالت كره آدمي
___________

ما كان ودنا الهدام
بس كنا بنشيل صدام
شفت العذاب إللي كانوا فيه العراقين
وعاشوه شهور و سنين و أيام
ما أعتقد إن هذا يرضي الإسلام

________

يتم اليهال الأبرياء
رمل الحريم وبكل كبرياء
حرم فرحة الأم بالأبناء
و بعد كل هذا تبينا نشيله بالأحضان ؟

______

على ذيك النطرة كان تبلور المرو
لكن يوم صبرنا عليه ... طعمه مر مو حلو

_____

لو كنا نكرهم ما كنا نساعدهم
لو كنا نكرهم ما كان جالهم الأمان
لكن هم يكرهونا
يوم نساعدهم يقولون لنا
( طرقاعة تصيبكم , جبتوا لنا الأمريكان )

و مهما يكون بظلون لنا جيران واخوان
وعمرنا ما ننساهم لأن بهذا أمرنا الإسلام
_______

و عمر الأصيل ما ينثني
و لا عن أصالته ينحني

_______

لكن بصراحة ..... هل إنتو تحبونا ؟
وإلا جايين تحاربونا ؟
و لا أعتقد إنكم جايين لسواد عيونا
عفوا الكلام مو لك لكن حق إللي يكرهونا
و أعتقد بشحنة جنون البقر بتسمونا
و ما أعتقد إنكم تحبونا
لأني سمعتكم بأذوني تسبونا
تضحكون بوجيهنا وتحشون من وراء ظهورنا

_________

و إذا عن الكلمة إللي سمعتها في الجمعية
يمكن كان قايلها متأثر شوية
و لو كان يعرف إن بكلمتة بتخرب سمعة المسلمين
كان تقاضى عن القضية
لكن تبي نصيحة مني ......
دخل من إذن و طلع من الثانية و لا تاخذ الأمر بجدية
و الله يثبتك على دينك و خليك فخر للأمة الإسلامية

_________________________________________

و آسفة إن كنت خربطت شوية

و إذا في أي تعليق على الكلام إللي قلته
قوله و كلي آذان صاغية

و الله لا يحرمنا من ضحكتكم الحلوة

و السلام عليكم ورحمة الله وبركاته