|
عـضو شرف
|
بيانات اضافيه [
+
]
|
|
رقم العضوية : 5011
|
|
تاريخ التسجيل : 11 2003
|
|
أخر زيارة : 26-01-2006 (07:01 PM)
|
|
المشاركات :
1,048 [
+
] |
|
التقييم : 10
|
|
|
لوني المفضل : Cadetblue
|
|
الحلقة الأولى من ( هذي آنا )
كان هناك في بيتا تسكنه عائلة تتكون من أم و فتاتان أحداهما تكبر
الأخري بخمس سنوات وهي تدعى نورة , و الصغرى دلال
و كانت نورةفي 18 من عمرها , أما دلال 13
و قد مات والدهما قبل 10 سنوات و تلقت الأم تربية بناتها الاتي دخلن
في سن المراهقة , و في أحد الأيام على وجبة الغداء
الأم : نويير وين اختك دلال ؟
نورة : ما أدري , أكيد في غرفتها يعني بالله وين بتكون؟
_: يالله ماما روحي نادي اختك
_( بصوت عالي ) : دلييل يا أم كشة تعالي غدا
_: و يعني ليش تصارخين عليها , يعني ما أقدر أنا أصرخ , قمي ناديها
_: بعد شنو يما هي ما اخمدت إلا شبعانة , و أنا ميتة من اليوع
_: إن ما ذلفتي و ناديتيها ما كو غدا
_: إيه كل مكبرين راسها علي ما كني أكبر منها بخمس سنين
_: بسك تحلطم , قمي و انتي منكعمه
و قامت نورة تنادي اختها دلال , وهي ( تتحلطم )
نورة: يا الله يا أم أربع عيون ذلفي تغدي
دلال : أووه رحي زين خليني أكمل نومي
_: مو إذا ما قمتي ما راح أتغدا و أنا ميته من اليوع
_: عساك بهالحالة و أردى
_: دليل ليش تكلميني بهالطريقة , مو يعني معطيتك ويه تتطاولين علي
_: باااااس , يماااااااااااا شوفي نوروو , قاعد تصرخ علي
و جاءت الأم مسرعة و بصوت عالي
_: نويير و حبة شكو تصارخين على إختك دلال
نورة : إي بعد ما ترضين على العزيزة الغالية , بس أنا إللي تصارخون علي
_: إي نصارخ عليك إنتي الكبيرة و لازم تتحملين , و تحنين على إختك
الأصغر منك
_: إي مو أنا بنت العبدة محد ملقيني ويه ,بس هي إللي بنتك , لو كان
أبوي عايش ما كان خلا هالمصخرة تصير
و خرجت نورة و هي تبكي , و خرجت الأم ورائها بعد أن هدأت دلال ب10
دقائق , ثم ذهبت إلى نورة
الأم : نورة يما بطلي الباب
نورة : لا مو أنا مو بنتك لاقطيني من الشارع , و هي بس بنتك
كان قعدتي معاها زيادة , ما تقدرين على زعلها , مع إنها هي الغلطانه
_: يما بطلي الباب بكلمك
فتحت نورة لأمها الباب ......لكن ...... تلقت نورة من امها صفعة قوية
طرحتها أرضا
نورة : ليش يما ؟
_: موكم مرة أقولك لا تتكلمين عن موتت أبوك جدام دلال
_: ليش خايفة على مشاعرها ؟ و انا طوفة هبيطة قاعدة ما عندي
مشاعر بليدة إحسان , مو ابوها هو أبوي ؟ يوم مات أبوي ماكانت تفتهم
بس أنا إللي كنت عايشة المشكلة , حرام إللي تسونا فيني , كذي ما
عندي معزة عندكم , كذي هنت عليك يما ؟ ابوي مات و عمري 8 سنين
في أمس الحاجة حقة , و انت حرمتيني من حنان الابو حرمتيني
حتى من حنانك , ليش مو بنتك و الا خلاص , انتي ما تحبيني , و لا أحد
يحبني في هالبيت حتى الخدامة كرهتيها فيني , حتى الكلب يحس
حراااااااااااااام و الله حرام , أدور على أم في الشارع ؟ دلول مخليتها
يا ادهينه لا تنكتين , و أنا ..... تذكرين يوم عمري 9 سنين شسويتي
فيني ؟ حرقتيني بالزيت تذكرين على ايدي و كاهي لي ألحين معلمة
تاركة أثر على ايدي , كل هذا عشان كنت بوريك رسمتي .... شوهتيني , تذكرين يوم قصيتي شعري كني ولد عشان قالوا على شعري حلو و طويل , عشان حبيبة القلب قالوا
لها شعرها قفة , عشان لا تخلينا تغار مني و تبين تخلينها أحسن مني
تذكرين , تذكرين بكل شي تبينها تصير أحسن مني , هدوم المدرسة
تشترين لها هدوم يدد و أنا مخليتني بذاك النفنوف المقصمل , تذكرين
تبين أذكرك بعد و إلا خلاص .....
_ : الشرهه مو عليك الشرهه على إللي قاعد يسمعك يالمعقده
_: إيه صرت أنا ألحين معقدة لكن الشرهه مو عليكم الشرهه علي أنا
إللي ما أثبت نفسي , لكن بعد اليوم رايح بتعرفون منو أنا
...................................... يتبع في الحلقة القادمة
قصة , سيناريو , حوار : DOUHA
مع تحيات :DOUHA
الله لا يحرمنا من ضحكتكم الحلوة
|