|
صراع مع المرض النفسي انا و اهلي
السلام عليكم ورحمه الله وبركاته
الاسم محمد
العمر 24
العلاجات :
سروكسات 20
اندرال 10
دجموتيل بعد انقطاع اللكسوتانيل من السوق
اولا ببدا من الصفر
عام 2004
مرضت اختي نفسيا وكانت مثل القماش التالف ولانعلم م بها الا ان تم الاكتشاف انه مرض نفسي
وكانت امي معاها تعاني معاناه شديده
والدي لايهتم بنا وكان مهملنا في هذا الوقت ومرضت امي نفسيا ولحقت اختي
حنى سته اخوان واخت
الكبار ضاعوا واحد في السفريات والثاني في المخدرات والحمدلله تابوا الان
واخ لي مغترب ومرض نفسيا من هم الغربه وهم انه يشوف امي طريحه فراش واخته
وانا قاعد اشوف
وكلهم طابوا عام 2008
كبرت وكنت اسوق وااراعيهم واذا احد تعب وديته المستشفى وعطوه ابره
مرضت انا نفسيا عام 2008 اواخر السنه بلا اسبباب كنت منوم وكانو يعطوني كرتازون بسبب الربو
فجاه تجيني نوبات هلع وكنت اجهل انها هلع
واكلت سروكسات سي ار فتره بسيطه وطبت
2010
كنت مع اصحابي وهم يسكرون وسوست لي نفسي اجرب وجربت ورجع كل شي من جديد الى الان
والان اعاني من هلع وخوف وثنائي قطب حسب وصف الدكتور
والدكتور ماحس انه طبيب يقولي وش تبيني اوصف لك علاج وش عرفني يعني لو اقولك بندول بتكتب بندول ؟
الان اخاف من قياده السياره والخروج بلحالي
متعلق ب امي
اخاف من الفلفل لانه بعقلي انه هو يجيب الهلع والقلق لاني مره اكلته وتعبت
موسوس بشكل مو طبيعي
احس اني ابنجن
احيانا
تجيني حراره بظهري واعرف انها نوبه هلع من مركز الاعصاب وابكي من هول الموقف واكل ربع لكسوتانيل وتخف
قاعد اقاتل المرض بشكل مو طبيعي
احاربه اهرب منه
اذا بدا الوسواس شغلت البلاستيشن وقعدت العب
او الايفون
او اتصفح اهرب منه
السروكسات احس اني قاعد اكل طباشير مافيه اي نتائج كل يوم مثل اللي قبله لازم لكسوتانيل
كتب لي انفيجا الدكتور وسبب لي مشاكل العلاج هذا الله لايعيده
خمول ورغم انه فيني خمول الا انه فيني نوبات الهلع وتشنج بالجسم
اثار الحزن واضحه على وجهي وديم احب انزل راسي لدرجه انه في مجالس الرجال يقول لي عمي او قريب لي ارفع راسك
وش فيك مثل الذليل كذا
ويجيني حاله ارتفاع بالمزاج كثره كلام واعرف انها ارتفاع مزاج اذا بديت اتكلم كثير واحس براحه اسيطر على نفسي واتكلم بحدود الحوار
ويجيني هبوط المزاج واحاول اختلط بالناس ( اروح لابناء جاري )
بس لا اعلم وش فيني ابي اتقدم واتحرك واتوظف
واخاف اسوق بالحالي الثقه بالنفس معدومه او غير موجوده اختفت
اذا معي امي عادي اروح ولاكن اماكن لاتبعد اكثر من 10 كيلو بالكثير
فما الحل جزاكم الله خير
واتمنى تساعدوني بطبيب صاحب ذمه وضمير في منطقه الخبر او الرياض
|