نفساني - عرض مشاركة واحدة - الموسوعة الروائية و القصصية للمنتدى فاليشارك الجميع

17-01-2004, 02:38 PM

الحلقة الثالثة من ( هذي أنا ) و الأخيرة

عمر : نورة فصيلة الدم ب+ نفس فصيلة المجني عليه , بسك تفلسف
و روحي بيتك , أنا خابر الطلبة في الإجازة يبون الراحة و انتي تدورين
على عوار الراس , و الله انك غريبة

نورة : صدقني إنها جريمة , يبا ليش ما تفهم
_: و ش إللي خليك متأكدة ؟
_: ألحين الدليل إللي عطيتك إياه مو كافي , ما تقدرون تسون تحليل DNA؟
_: أقصاها قطرة دم زين طلعوا الفصيلة تبين بعد DNA , صج إنك فاضية
على فكرة تراك عورتي راسي

_: بعرف شلون إنت صاير تحري , و الله بعرف شلون , كذي دمك بارد
_: تحترمين نفسك و الا شلون ....
_: شوف ... شوف كا هذا دليل ثاني تقدرون منه تطلعون .....
_: بسك فهامة , يالله شتبين
_: انزين شوف , هذا الدليل ,القتيل با نت عليه صور المقاومة في الكدمات
إللي في الأشعة , لكن انت مو مصدق , و ألحين لا زم نروح عند المستشفى
عشان نشوف الجثة و أتأكد من إللي و صلت له
_: و بالله شنو إللي و صلتي له ؟
_: شايف الصورة , ركز على الأظافر شوف أظافره مو مستوية و مكسرة
و هذا دليل على إنهالمجني عليه شمخ القاتل و أكيد بتلقون دليل القاتل في أظافر المقتول
_:تصدقين. انت تصلحين محققة , ما شاء الله كنت مستهين فيك
أنا صار لي في هالمهنة 19 سنه و ما وصلت حق خبرتك , يعني
يوم اشتغلت كان عمرك سنه و انت ما شاء الله عليك كنك أكبر مني في
خبرتك
_: أخيرا قمت تعترف باستنتاجاتي ,ألحين بنروح المستشفى و إلا لا ؟
_: زين ياالله خلينا نروح

و ذهب الإثنان للمستشفى , و تم فحص أظافر الجثة , و كانت استنتاجات
نورة صحيحة 100%

نورة : شفت مو قلت لك
عمر : خلاص اعترفنا بقدراتك
_ : ممكن اعترف لك بشي ؟
_ : تفضلي
_: بقولك الصراحة قبل لا تطلع النتيجة
_: أي نتيجة
_: نتيجة تحليل أظافر المجني عليه
_: ليش في شي ؟
_: الصراحة أقولك حط الكلبجات في ايدي , أنا القاتلة
_: لا لا أعتقد إنك تمزحين
_: لا ما أمزح , إللي اتصل عليكم وقت حدوث الجريمة هي أنا
_: لكن المتصل كان ذكر
_: أعترف إني غيرت صوتي بهذا الجهاز

و أخرجت نورة من حقيبتها جهاز صغير لتغير الصوت

عمر : لا مو معقول , شلون ؟ انتي إللي ساعدتيني على اكتشاف الجريمة
و اتصيرين انتي المجرمة ؟ , كان بإمكان ملف القضية يتسكر بجريمة
انتحار , لكن لو مو انتي دخلتي في الوقت المناسب و كشفتي لنا المستور ..

نورة : ليش منت مصدقني أقسم لك إني أنا القاتلة , وانا قلت لك ألحين
عشان ما تنصدم بنتيجة التحليل
_: مو معقولة , لا زم أتأكد من نتيجة التحليل

و دخل في تلك الأثناء أحد رجال الشرطة , وقال:
_: التحري عمر , نتيجة التحليل كانت حق بنت عمرها 18 سنة و اسمها
نورة , و هذي هي بياناتها ....

و أعطى الشرطي الورقة لعمر

عمر : أوكي ممكن تطلع برة لو سمحت
نورة : مو قلت لك , تأكدت ألحين بعينك ؟
_: انزين ليش , حرام انتي بهالعمر و عندك ذاك الذكاء إللي خليتينا
نعتقد انها جريمة انتحار , تسوين كذي ليش حرام تخربين مستقبلك
و انتي في كلية الحقوق , يعني مستقبلك حلو , ليش تخربينه ؟
_: اذا بقولك بتستغرب , الصراحة كنت ابي اثبت نفسي أبي أقول
للعالم هذي أنا ,أنا نورة إللي الكل مستخف فيها , اللي ما ينحسب
لها أي حساب ....
_: كان بامكانك إنك تثبتين للناس انك نورة بطريقة ثانية ...
_: حاولت , و حاولت وايد , قبل ما يموت ابوي كان هو إللي يدرسني
و كان يعطيني ذاك الحنان إللي ما عشته مع امي , كنت اعتبره هو الام
و الأبو كنت أعتبره كل شي بحياتي , لكن الله يرحمة خلاني بروحي
يتيمة محد يعيرني أي اهتمام , و امي إللي ما تستحق هالكلمة
بعد وفاة ابوي تعاملني مثل الخدامة و لا كني بنتها الكبيرة , كنت
خابرة إن الظنا الكبير له معزة غير عند أهله , لكن انا لا , حاولت إني
ألفت إنتباها لي بكافة الطرق أول شي كنت أتفوق في المدرسة
من جهدي و اجتهادي و ما كانت هي إللي تدرسني لكن كنت أقول :
ميخالف أخليها تفرح بنجاحي و تفوقي , لكن لما أقول لها: يما ممكن
تحضرين حفلة تفوقي ؟ تتوقع شنو ترد علي ؟ تقولي :على شنو أحضر
لو كان حق دلال كنت رحت بس حقك لا , و كنت أحسد البنات إللي أمهاتهم
يحضرون حفلة تفوقهم , و أحسدهم إن عندهم أهل يعبرونهم على الأقل
يشجعونهم , لكن أنا من بعد ما مات أبوي حسيت إني يتيمة الأب و الأم
كان أبوي الله يرحمه قبل لا يموت مستقطع من معاشة مبلغ محترم حقي
كنه كان حاس باللي راح أعيشة بعد موته , ولوما هذا المبلغ كان ما شفتني
عايشة لأن الصراحة امي ما كانت تعطيني و لا فلس و دايما تعايرني
بالفلوس إللي معطيني إياها أبوي و كل تقولي : موعندك فلوس روحي
اشتري حق عمرك , و من غير مبالغة ما كانت حتى عن الحلال و الحرام
تقط بيدي فلس صدقة , وعن الأكل إللي آكله معاهم هو الشي الوحيد
إللي تدفعلي إياه و لا بعد تعايرني فيه , وكم مره تخليني أنا إللي
أشتري ماجلة البيت على أساس إني كليت من أكلهم لازم أوكلهم
و كنت أقول ميخالف , بعيد ميلادها , أو بعيد الأسرة كنت أشتري
لها هدية , أقول يمكن تحبني من الهدايا إللي أعطيها إياه لكن العكس
كانت إما تاخذهم و تعطيهم للخدامة أو تعطيهم حق دلال , و لا حتى تقول
لي مشكورة , أو حتى تلمني في حضنها , بالله عليك هذي أم ؟
كنت أقول بما إنها تحب دلال أكثر مني عيل ليش ما أتقرب منها عن
طريق دلال كنت أهادي دلال لكن من غير فايدة شنو تبيني أسوي أكثر
من كذي , محد معبرني , قلت خليني أتفوق بالدراسة و أدخل الكلية
إللي هي تحبها و ما قدرت تدخلها يمكن تفرح و تقول كا بنتي حققت
إللي ما قدرت أنا أحققه , لكن هم ما كو فايدة و دخلت الكلية بمجموع
98% و تشعيب علمي و كان الكل يقولي دخلي طب أو هندسة بس أنا
عاندهم عشان أمي و كا جا اليوم إللي بخليها تحس منو أنا و أخليها
تخاف مني لأني ألحين صرت مجرمة و قاتلة يمكن تحترمني كوني قاتلة ,
على الأقل أحس إنها محترمتني و حاسبه لي حساب وين ما كانت
عرفت ألحين ليش خربت مستقبلي عرفت ليش ؟

_: بحط الكلبجات في ايدك و أنا ندمان على مستقبلك و ذكائك إللي
بروحون بسبب هالأم لكني بحاول قدر الأمكان إني أخفف عليك العقوبة
عشان تطلعين بسرعة من السجن
_: الله يخليك شاطلع بسرعة هذي فيها على الأقل إذا مو اعدام , مؤبد
_: بعد شسوي هذا إللي جبتيه حق روحك لكن أنا بسوي إللي أقدر عليه
_: إللي تقدر عليه إنك تروح تبلغ أمي و إختي إني صرت قاتلة
يمكن تحس بالأمومة شوية اتجاهي و تجي تزورني بالسجن

و ذهب عمر بنورة للسجن بتهمة القتل , بعدها ذهب لأم نورة و أخبرها
بما وصته به نورة , ثم ترجاها أن تذهب للسجن كي تزور ابنتها
و ذهبت أم نورة لإنبتها في السجن لكن عند مقابلتها لإبنتها

الأم : ليش يما كذي مرة وحده صرتي مجرمة
نورة : عشان تعرفين منو أنا
_: ليش كذي خربتي مستقبل إختك دلال ألحين إذا شافوها بقولون
عنها اخت المجرمة
_: أأه يما كل شي دلال كل شي دلال , ما تحسين فيني أنا بشر من
لحم و دم ما تحسون فيني , على بالي بتقولين لي خربتي مستقبلك
ضيعتي عمرك أو على الأقل تواسيني .... تقولين لي دلال ,
يعني حتى ما كلفتي عمرك تذرفين دمعتين كذب علشان تحسسيني
إن عندي أم
_: و من قال لك إن أنا أمك , شايفة روحك تشبهيني ؟ لا إنتي
بنتي و لا انا أعرفك مثلت عليك إني أنا أمك عشان هذي
كانت وصية أوبوك أنا أصلا مرت أبوك , وكنت أتمنى من زمان
إنك تذلفين عن ويهي وكنت أبي أطردك من البيت لكن أبوك كاتب
البيت باسمك ...و ما قدرتأقولك عن شخصيتي , يمكن تطالبين بحقوقك و تعرفين إن البيت باسمك و تطردينا و احنا ما عندنا مكان نروح له .
خربتي سمعة أختك لا هي مكملة دراستها عشان كلام الناس
و لا هي متزوجة كل منك
_: كشفتي ويهك الحقيقي يالممثلة , و عيشتيني بجحيم طول 18 سنة
لكن أنا ألحين بعيشك بخوف طول عمرك و بلاحقك وين ما تروحين
و راح تعرفين منو أنا ............ ألحين بتعرفون منو أنا ... ألحين بتعرفون
منو نورة إللي الكل مستخف فيها

النهاية

قصة , سيناريو , حوار : DOUHA

مع تحيات :DOUHA

حقوق النشر محفوظة لدى شركة DOUHA للنشر و التوزيع

الله لايحرمنا من ضحكتكم الحلوة