نفساني - عرض مشاركة واحدة - خلاص تعبت ماقدر .. هالشي زادني مرض فوق مرضي

23-09-2013, 01:40 AM

اقتباس:

المشاركة الأصلية كتبت بواسطة ولد الكويت

انا بجاوبك .. بخصوص النقطه 1 و2 والله كلامك صحيح وهو عين العقل لكن انا للأسف ضيعت ايام كثيره من عمري ولا استفدت شي ...
نقطه الثالثه : اهلي كلهم يدرون اني اعاني من شي اسمه رهاب اجتماعي لكن مايعرفون شنهو الرهاب لانهم ماعاشو وضعي ولا حسو باللي احس فيه واتوقع انك انت عارف اللي ايده بالنار مو مثل اللي ايده بالماي يعني مو ماخذينه بشكل جدي ..من ناحية امي بالعكس ماعندها اي اشكال قالت لي روح لدكتور نفسي لأنه تعرف قلب الأم رحيم وتحس بعيالها لكن الغلط غلطي التكاسل والعجز اللي فيني هو اللي وصلني لهلمرحله ..وبقولك عن والدي الي ماله اي دور بحياتي غير التحبيط فيني من وانا صغير قبل لا امرض بالرهاب كان يقول انت كله مع امك طيب انا شنو ذنبي اذا هو وجوده مثل عدمه في حياتي وحياة اخواني ولايدري عننا امي اللي مهتمه فينا ولولاها كان ضعنا وولأنه اساسا والدااي منفصلين من كم سنه ووالدي لا يطاق صرااحه يسوي امور مافيه اي امراءه بكامل عقلها تصبر عليه ووهو يعرف اني ماواجه ولا احب اطلع وشكيت له ووبكيت قدامه من قبل كم سنه لأنه كان بيومها مناسبه بس للآسف عمك اصمخ ماااا اهتم فيني قااالي هذي وساوس واوهام كل المراهقين يمرون فيها لازم تطلع وتواجه ووماحس بوضعي ولا خذاه بشكل جدي
ووفيه سالفه من سنه تقريبا ابوي كلم ولد عمي وولد عمي كلمني وشكيت له ماقدرت اخبي عليه صراحه في البدايه حاولت الف وادور لكن صادني وقال انت تلف وتدور وقالي انا مستعد اتكفل وانا عرفت انها مجامله عشان مايزعل ابووي بس انا مابي احد غريب يعالجني ويمكن بعدين يمن علي صعبه بالنسبه لي وانا شخصيا ماحب مساعدة الغير وهالشي يا امي او ابوي المفروض يساعدوني فيه لانها مشكله حرجه مشكله نفسيه ليش ابوي وجوده بحياتي مو مهم مو المفروض هو اللي يتكفل بعلاجي ؟؟؟؟؟
كل ما صار شي قطها براس احد من قرايبنا ويكلم فلان وعلان الله يهديييه?

بارك الله فيك أخي

شوف وأنا أخوك نحن بالمنتدى نحاول مساعدة بعضنا وفي نفس الوقت لا نعلم شئ عن حياة الآخر ولا عن البيئه المحيطه به

هناك أمور دقيقه وصغيره ومن الصعب أن يسرد الإنسان كل تفاصيل حياته فالأمر عندها يحتاج لمجلدات وليس بضعة أسطر

من الصعب أن أحكم على والدك فأنا لم أستمع له وأجد من الظلم أن أحكم عليه من خلال حديثك عنه قد تغضبك هذه النقطه ولكن هذا طبعي لا أحكم قبل أن أسمع لكل الأطراف

سأتجاهل قضية والدك وما حكيت عنه ولن أجاملك وأقول أنه مخطئ أو أساء إليكم أو هو أنسان سئ وسأركز عليك بما أنك اخ لي بهذا المنتدى

برأيي أن عليك أن تتحرك وتبدأ رحلة البحث عن العلاج فبقائك هكذا لن يقدم أو يؤخر شيئآ في وضعك ستظل تدور في دائره مغلقه وهو أمر صعب

توكل على الله وأنطلق غدآ وأذهب للطبيب وأنثر بين يديه كل همومك والآمك وبحول الله يكتب لك الدواء المناسب وماهي إلا أيام وبعد مشيئة الله

تعود لوضعك الطبيعي وتتفاعل مع الآخرين ومع حياتك بشكل إيجابي