نفساني - عرض مشاركة واحدة

24-09-2013, 01:05 AM

السلام عليكم ورحمة الله وبركاته :
بالبداية احترت بكتابة هذا الموضوع وبأي صيغة بالعربية الفصحى ولا بالعامية البيضاء لكن آثرت أتكلم بالعامية لأجل سهولته وخروجه من القلب إلى القلب بلا تكلف .
المهم ياشباب أنا حاب أشاوركم بموضوع من زمان أفكر فيه وهو التالي :
وش رايكم نعمل قروب مكون من عشرة أكثر أو أقل وتكون أعمارنا متقاربة ونعسكر باستراحة بأحد المناطق ويكون هناك برنامج داخل الاستراحة مكون من الأمور التالية :
برنامج للرقية الشرعية , وبرنامج للتوعية المعرفية بمرض الرهاب الاجتماعي وعمل محاضرات عن الرهاب وطرق التخلص منه ومحاولة تخفيف آثاره ومن هالكلام .
برنامج توعية دينية بشكل عام .
مدة المعسكر تكون على الأقل 40 يوم وقد تمتد إلى شهرين .
ياشباب أنا اللي خلاني أفكر بهالفكرة بعض الأمور منها اني سمعت انه مكافحة المخدرات ومؤسسات الدولة المهتمة بعلاج المدمنين تعمل برنامج اسمه بيت منتصف الطريق وفكرته باختصار إنه أي واحد تعافى من الادمان يرسلونه لاستراحة مغلقة يعسكر فيها مدة محدودة الهدف منها تهيئته للخروج للمجتمع بحيث انه مايرجع لرفقاء السوء السابقين ومن هنا جتني الفكرة مع الفارق بين الفكرتين قليلاً .
طبعاً بكلمكم عن بعض الصعوبات وأهمه الصعوبات المادية لكن هذي أعتقد مقدور عليه متى ماتوفرت الإرادة وممكن أننا كمجموعة نساعد الغير مقتدرين بطريقة لا تُحرجهم وهذي خلوه علي .
الهدف الأساسي من التجمع مو مسألة التعارف فقط بصراحة أنا ياشباب حاب أرقي نفسي ومالقيت أحد يتفاعل معي ففكرت اننا ننطلق كقروب نعاون بعضنا البعض وطبعا فيه أهداف ثانوية ثانية .
طبعاً اللي موافق على الفكرة مبدئياً يقول موافق واللي عنده ملاحظات أو مشاركة أو تعقيب يذكر لنا .

المصدر: نفساني