المشاركة الأصلية كتبت بواسطة سأصبر

بصراحه استفدت وايد من مواضيعكم فالمنتدى هذا لاني ما كنت اعرف شو فيني بالضبط الا لما قرأت عن الهلع و الوسواس بدت معاي الحاله من شهر تقريبا كنت من مستشفى لمستشفى وكل دكتور يقول كلام ثاني وانا ما اعرف كيف اوصف لهم اللي يصير معاي حاسه اني بحلم ، و احس ان اللي فيني مرض خطير و اني بموت بنفس اللحظه ويدي اليسار كان ألمها فضيع وكرهت كل الاشياء اللي كنت احبها لكن من اسبوع والحمدلله دخلت هذا المنتدى واكتشفت اني مب بس انا اللي اعاني هالاشياء وحسيت بالراحه و قمت اطبق كلامكم شوي شوي والحمدلله مع التطنيش حسيت ان الاعراض خفت وايد ، واليوم الصبح نبضات قلبي كانت تدق بطريقة فضيعه وحسيت انها النهايه كنت خايفة لان اكثر من اربع مرات قمت من النوم بسبب نبضات قلبي ، و رجعت لي الحاله فالمدرسه حسيت بدوخه مره ثانيه واني بحلم هذي اخر سنه لي فالمدرسه و اطمح ان نسبتي تكون عاليه لكن اخاف ان هذي الاعراض تخرب علي واتمنى اني اعرف اللي تخلصو من الهلع هل الاعراض ترجع لهم ولالا ؟