فالك زين

بيانات اضافيه [ + ]

رقم العضوية : 40653  تاريخ التسجيل :  10 2012  أخر زيارة : 17-02-2018 (08:51 AM)  المشاركات : 24 [ + ]  التقييم :  10

لوني المفضل : Cadetblue

وفاة ابي

والله يااخوان ماكتبت هذه القصة الا عشان تكون عندكم دراية كاملة في مشاكل الحياة وحلها ولاقصدي اني احزنكم او ابعث اليأس فيكم لان حاله تختلف عن حالة ،، ابديلكم قصة والدي رحمه الله والدي كان انسان صاحب صلاة ودين وخلق وادب وتواضع ولا ازكي على الله احد لاقول هذا الكلام لانه والدي لا والله بل شهدله البعيد والقريب في ذلك كان والدي مرح ويحب المرح والفكاهة وكان يحب البر والمكاشيت وكان يعيش ايام جميلة صلاة الفجر يقوم لها واذا طافته كان يزعل ويتضايق كان في الصفوف الاولى في المسجد يحب الخير واهل الخير يحبونه لاكن فجأة وبدون سابق انذار كان والدي مسافر وهو تعود على السفر الى السعودية لزيارة اخوانه وكان برفقة العائلة احس بتعب وكان بالكاد يقوم من فراشه حتى اذكر اتصلت عليه عشان اجيبه وقالي انا طيب وراح اجي انا توقعت اما حرارة او تقرحات المعدة رجعت واخذت الامر بسهولة نوعا ماء لاكن بعد عودته اصبح طريح الفراش وكان يشعر بحرارة وتعب جسدي وتعرق وعدم القدرة على المشي وفقدان للشهية وكانت تكون في اوجه شدتها بالصباح الباكر وفي المساء يتحسن الوضع نوعا ماء استمر على هذا الوضع شهرين او 3 اشهر وانا كل يوم من طبيب الى مستشفى الى راقي وكان يأكدون انه مايعاني من شي الا ارتفاع السكر لانه والدي رحمة الله عليه كان معاه سكر بالرغم من عدم الاكل كان السكر يرتفع معاه كنا كل يوم اقوم على طرق الباب من قبل والدتي الله يحفظها وتبلغني بأن والدي تعبان ويحتاج الى الطبيب تعودت على هذا الامر وكل ماطرق الباب ايقنت بأن والدي تعبان وكنت اخذه واوديه المستشفى فحوصات ومغذي ويطلع ولما يطلع كان يحس بنوع من التحسن استمريت على الوضع هذا شهرين الى ان وصلت الامور اني اصريت انه ينام في المستشفى وعمل كل الفحوصات الازمة ،، دخل والدي المستشفى وجلس فيه 10 ايام بعدها تحسن الوضع وكان على بداية الصيف وسافر والدي وراح مكة وجلس الصيف عند اخوانه مع اهلي لمدة شهرين وكان من احسن مايكون حتى رجع من السفر واذا الاعراض مباشرة تعود وبقوة اكبر واشد ،، وديته اكبر المستشفيات الخاصة بالخليج وكانو يأكدون انه مايعاني من شي عملت له كل التحاليل ولايوجد شي وديته عند مشايخ منهم من يقول عين ومنهم يقول مافيه شي وعادت الدوامة كل يوم بالمستشفى وكل دكتور يصرح على كيفه اللي يقول ذبحة صدرية والي يقول ممكن انسداد شرائين واللي يقول من السكر واللي يقول ممكن اعصاب الراس واللي يقول من المعدة واللي يقول مافيه شي 3 شهور رحمة الله عليه كان يعاني 3 شهور اذا نام ينام ساعة واحدة لايأكل الا بالغصب كان يحس بوجع بكامل جسمه وجفاف للريق ورجفة والشعور بالموت وكان من شدة الالم يتشهد رحمة الله عليه كان يحبي مايقدر يمشي مايقدر يتنفس كان يغمى عليه ونحن لانعرف شنو فيه كان كل ساعة يردد انا بموت كان يردد ليت اللي اعانيه مايجيكم وكنت انا اكثر واحد ملازم له كنت اشفق عليه واشوفه يتعذب قدامي وانا اتعذب لأن ماني عارف ولااحد عارف شنو فيه لدرجة انه كان يحاول يقوم من السرير والمغذي بيده ويتقطع المغذي بيده وهو لايدرك بعد ذلك اتفقت انا واخوي اوديه عند شيخ قاري لعل نجد عنده فرج لاكن بنفس الوقت لو ابوي فيه مس او عين كان مايصلي تخيلو بالرغم الالم كان يصلي وهو مستلقي وكان يجاهد نفسه انه مايترك الصلاة لاكن قلت هذا الخيار الاخير لاكن في صباح احد الايام وجدت ابي جسمه ملطخ بالدماء فزع البيت واتصلنا بالاسعاف ولاكن كتب الله ان يفارقنا وقد اختار الله قبل والدي كيف يموت او كيف ينهي معانته بنفسه واتمنى محد يسألني كيف انهى حياته ،، اصبحت هذه الحادثة مثل الفاجعة بل هي الفاجعة موت والدي وكيف مات !؟ اصبحت حزين بتلك الفترة وكنت ادعي الله ان يلهمني السبب اللي ينورني ماهي الاسباب الحقيقية لوفاة والدي اعرف السبب ولاكن ماهو الدافع هل هو عين او مس او ماذا كنت اسأل نفسي يوميا ممن كان يعاني والدي وكنت اسأل الله ان ارى بمنامي مايلهمني عن السبب الحقيقي واقسم لكم اني لااراه في منامي الا وهو متبسم مشرق الوجه ويقولي الحمدالله انا مرتاح اللحين ودايما هذه الاحلام او الروى كانت بكل الاحوال تبشر بحال والدي لاكن بنفس الوقت اتمنى معرفة السبب لقدومه على فعل ذلك هل هو مس هل هو سحر هل هو عين حتى بعد وفاته ب3 سنوات عرفت السبب وعرفت معاناة والدي التي كان يدعي بأن لانعانيها عرفت سبب الخمول والتعرق وعدم الاكل والتعب وعدم النوم لأنها كانت نوبات هل شديدة مصحوبة بأكتأب شديد عرفت السبب بعد ماشعرت بنفس اعراض والدي رحمه الله وتداركت نفسي ورحت لدكتور نفسي ووصفلي العلاج المناسب والحمدالله عديت تلك المرحلة وعرفت والدي ممن كاني يعاني لاكن معانات والدي من الدرجات الاكبرى من الهلع والاكتأب التي كانت بحاجة الى معالجة خاصة وسريرية في المستشفى الطب النفسي ،، اتمنى انكم تفهمون العبرة من القصة ارجوكم وارجوكم من كان والديه او من يعرفه يعاني ولم يجد الطب له جواب ولا مشايخ الدين ارجوكم بادروا بعلاجه نفسيا لان هذا هو الداء ومااخفيكم اني بعدت اللي عشته وتعالجت منه حسيت بحسرة وغصة دايمه كل ماتذكرت والدي لان علاج كان سهل ولاكن لجهلنا جهلناه اسأل الله ان يرحم والدي واسألكم بالله ان تدعون له بالرحمه لان اعلم عندما قام والدي بالامر لم يكن بوعيه من شدة نوبة الهلع اللي كان يعانيها ارجوكم ادعوله في صلاتكم بالرحمة وادعوا لي ان الله يتمم علي بالشفاء وانا الان بمرحلة التخفيف التدريجي بالعلاج ارجوكم ارجوكم الدعاء وارجوكم ان تاخذون العبرة من هذه القصة قد يكون هناك من اشكل عليه الوضع ولا يعلم مابه او في احد اقاربه عل هذا القصة تكون مفاتيح اشياء مجهولة لدى البعض واسأل الله ان انتفع بهذه القصة احد ان لايحرم والدي اجرها اسأل الله ان يرحم والدي والمسلمين والمسلمات اجمعين وان يشفي مرضى المسلمين والمسلمات اجمعين /

المصدر: نفساني