نفساني - عرض مشاركة واحدة

06-10-2013, 11:16 AM

اختي ..

المخاوف والاعراض اللي تجيك في المواقف الاجتماعية سببها حالتك النفسية

يعني الاعراض اللي تشعرين في بالموقف ( الاعراض الجسمية ) سببها افكارك ..

يعني اش تقولي لنفسك في الموقف ؟؟ افكارك ؟؟ هي السبب اللي يخليك تخافين وهي السبب اللي يخليك تشعرين بمغص وهي السبب اللي يخليك تتجنبين الناس وتخافين من ردة فعلهم ..

الرهاب الاجتماعي قابل للعلاج .. والكثير الكثير تعالجوا منه ..

بس يحتاج صبر وتطبيق التمارين معينه ..

اذا قلتي لنفسك مستحيل اتغير ومستحيل اتعالج .. ومافي شيء راح يفيد معي .. هذه كلها افكار سلبية خاطئة انتي قمتي بأفتراضها وابدا مو صحيحه وجالسه تأثر عليك سلبيا

انتي اسألي نفسك الحين

كيف راح يكون حالي بعد 5 سنوات من الان ؟؟

كيف تشوفين نفسك ؟؟ انك الى الان خايفة وتتجنبين الناس ولا تشوفين نفسك انك تخلصتي من الرهاب والمخاوف وصرتي اكثر ثقه واكثر قرب من الاخرين ؟؟

طيب لو ماتعالجتي واجتهدتي انك تتخلصين من الرهاب اش اللي راح تخسرينه ؟؟ سنوات حياتك بتضيع بالخوف فقط ..

اسألي نفسك الان وش اللي راح اخسره لو استمريت افكر بطريقة هذه اني مستحيل اتغير مستحيل اتعالج ومستحيل اتخلص من الرهاب ..

اول خطوة للعلاج والتخلص من الرهاب انك تكونين مقتنعه بالعلاج .. ومقتنعه انك راح تنجحين فيه وتغيرين حياتك للافضل

لأنك لو ماساعدتي نفسك .. مافي احد راح يساعدك .. انتي لازم تساعدين نفسك انتي لازم تتعلمين وطورين من مهاراتك .. وانتي لازم تتحكمين بأفكارك ..

لأنك لو ماقمتي بذلك راح تستمر المخاوف وراح تتعبين اكثر

من اليوم من الحظة هاذي لازم تكونين اقوى .. لازم تثقين بنفسك اكثر .. تحبين نفسك اكثر .. وتوعدين نفسك انك راح تبذلين جهدك بالتخلص من كل الافكار السلبية

انا معالجه نفسية قابلت كثير حالات الرهاب اجتماعي وشفت بعيني كيف يتحسنوا يوم بعد يوم الى ان تخلصوا من الرهاب وصاروا ناجحين اجتماعيا

انتي كمان تقدرين تصيرين مثلهم .. ثقي بذلك

في موضوع الجلسات العلاجية عن الرهاب الاجتماعي اقرأي الموضوع بالتركيز ... لا تقولين مافي شي راح يفيد .. مابغا اقرا << هذه الافكار هي العائق

ركزي واقرأي وطبقي وقي بنفسك ..

اخ متفائل كمان كتب عن تجربته بموضوع .. جدا مفيد ..

تعلمي وثقي بنفسك وطبقي ..

واحنا هنا بنساعدك