نفساني - عرض مشاركة واحدة - لا يعرف معنى الحياة الا من جرب ما هو اسوء من الموت

20-10-2013, 05:15 AM

اقتباس:

المشاركة الأصلية كتبت بواسطة أماني القلب

هلا بقسورة والله نور المنتدى، مابعرف اخوي ليش رجع لي الضيق بس اقلق واتوتر بحس كاني بغرق ، الفترة الماضية من شهرين لحد الان كان عندي ضغوطات كتير ومن اسبوع قبل العيد كان في موضوع عائلي سبب لي توتر كبير وغير هيك بفترة الاعياد بيزيد عندي الوسواس وبضل بحالة قلق وتوتر هاي المشكلة معي من اول اصابتي من 3 سنوات بنوبات الهلع ، ممكن عشان هيك رجع ضيق النفس وغير هيك صار عندي لخبطة في بعض الهرمونات مش عارفة سببها من الدواء ولا شو محتارة جدا.
رح اجرب الطرق اللي حكيت لي عنها، انا ما باخد حاليا غير البيرلكس 5 ملغم وعند اللزوم اللزوم باخد البراناكس.25 حبة ،اول يوم العيد اخدت حبة.
اتوقع بدي علاج سلوكي لان لسة في عندي شوية مخاوف ومابدها دواء، بتعرف ياقسورة معالجين اكفاء بعمان؟ دخت وانا ادور

طيب جربت توبامكس ؟ بس مشكلته غالي
وكمان اعطاني دكتور خليل جلوكوفاج واشتريته وما استعملته هههه عادتي موسوسة من الادوية،بس مفكرة استعمله هالايام ،بيحكوا انه بخفف الوزن مع الادوية النفسية.
بس غريبة الزينيكال كتير نزلوا عليه يمكن ما استمريت عليه، جربت جلوكوفاج

شوفي اماني بتلاقي معالجين سلوكيين اكفاء بس مكلفين جدا يعني لو ادلك مش راح تروحي هههههههههه و للمعلومة فكرة العلاج السلوكي فاشلة لانه بأختصار بحكي للمريض بس تيجيه الوساوس القهرية مثلا حقرها لهاي الوساوس حاول تشغل تفكيرك بشي اخر حاول تعمل شي يشغلك عنها و كذلك هيك بحكوا مثلا للي بتيجيه نوبة ذعر اي هلع بحكوله حاول تفكر بشي اخر خلي تفكيرك ايجابي مش سلبي حاول تشغل حالك و من هالحكي الفاضي تعرفي ليش فاضي لانه الي بتيجيه نوبة هلع اذا كان بشتغل بشي بتركه فكيف بده بس تيجيه النوبة يضحك على حاله و يشغل حاله بشي يلهيه عن نوبة الهلع او يحاول يفكر بشي اخرخلال النوبة يلهيه عن النوبة هههههههههههه جد مش هيك لانه اصلا الشخص خلال النوبة بكون فاقد للسيطرة على مشاعره و احاسيسه و افكاره لانه النوبة اصلا لا ارادية لو انها ارادية بسيطة كان قدر يسيطر عليها بدون ما انت تقله يا فهيم ههههههههههههه ‘‘المهم اسمعي انتي جري الي حكيتلك عليه و اذا ما نفع بنحكي بالدواء بس ان شاء الله بنفع و للمعلومة جرعة 5 مغ قليلة جدا بس انتي هيك بدك شو نساوي هههههههههه اه صح المعالجين السلوكيين الاكفاء في منهم في مستشفى الرشيد الي صاحبها الدكتور وليد سرحان .

انتي شكلك ناسية الحديث الي دار بينا زمان مش سألتيني على التوباماكس و قلتلك جربته و ما نفع معي و سعره غالي كثير و الجلوكوفاج جربته لمدة ست شهور على الفاضي بس شو اساوي صارلي شهرين راجعله و بجرعة 2000 بلكي فادت هاي المرة و يمكن ازيدها اذا ما فادت 2000 و هو الية عمله بتختلف شوي مشان هيك انا رجعتله لانه هو ما بقطع الشهية لكن بمنع زيادة السكريات الي بتتحول لدهون في الدم و بعادلها فمع اي مجهود بسيط بتخسر من الدهون الموجودة في جسمك لانه اصلا ما بخلي غيرها يتحول لدهون و الحلو فيه انه اذا ما نزل وزنك بمنعه من الزيادة و هاي ميزته الي رجعتني له ‘‘ و شكلك ناسيه كمان لما حكيتلك اني جربت كل الادوية الي بتنحف الموجودة بالسوق من ضمنها الزينيكال و الشوتوكال و اقل دواء جربته اعطيته فترة شهرين و اظن انها كافية و المشكلة كلها غالية حتى في دواء جديد نزل و جربته لمدة شهرين كمان اسمه ناتشورال ماكس و على الفاضي كمان ‘‘ حتى المستحضرات العشبية و الخلطات الشعبية للتنحيف بجميع انواعها جربتها و نخالة القمح كمان على الفاضي .

يبدو انه صراعي مع مشكلة الوزن ما له حل غير بالتدخل الجراحي بس ربنا يجيب الي فيه الخير و يكون التدخل الجراحي بفيدني لانه انا باخذ ادوية ما بعرف اذا ممكن ما يكون مناسب الي لازم بس يصير نصيب اعرف من الجراحين و خاصة انه انا كمان عندي قصور بالنفس 90 بالمية و خطر جدا اخضع لتخدير لانه احتمال كبير جدا اموت تحت التخدير فمش عارف شو الحل اقلك سيبينا من النكد هسى و انسي الموضوع احسن ههههههههههههههههه بعد ما شرحت قصة حياتي بقلك سيبينا من النكد حلوة هاي عجبتني هههههههههههههه .