نفساني - عرض مشاركة واحدة

21-10-2013, 11:01 PM

اقتباس:

المشاركة الأصلية كتبت بواسطة الاخت منال

مشكلتي يادكتور ماعندي ثقه بنفسي وتقدير لذات دايم اناظر في المرايا احس شكلي قرده وبشعه بسم اللله ويتردد ها الشي بعقلي واكتب مشكلتي يقول خليك واثقه من نفسك وكذا طيب وشلون اوثق وانا فيني ها الحاله النفسيه حتى اجلس ادقق بملامح وجهي بطريقه غريبه مو زي اختي البس واروح لا والله احيانا اغطي وجهي ولا اقول بسوي عملية تجميل واهلي والناس يقولون مايحتاج زين شكلك بس مدري ماقتنعت ابي ها الحاله تروح مدري والاهتمام في النفس معدوم مدري ليه احس الملابس وكذا اشياء غريبه ماعاد عرفتالبس مع اني احب الفاشن وكذا وهل في علاج يحسن من اهتمام الانسان بنفسه واحس احيانا كل شي يطفش وممل بس وضيقه تروح وترجع وماصلي احيانا اخاف الله مايتقبل مني ولا شي وشكرا

لاتقلقي أخت منال، مشكلتك معروفة للطب النفسي ولها علاج
وحاشاكي عن القردة، هههه، والله ضحكت من كلامك، وانا متأكد ان شكلك زين ويمكن زي القمر بس البلا من المرض

اللي وصفتيه اختي منال له علاقة بمادة السيروتونين مثل الاكتئاب تماما لكن هالناقل العصبي يتأثر في مناطق مختلفة من الدماغ
لها علاقة بما يسمى الصورة الداخلية للذات (النفس) يعني بالعامي: كيف تشوفين نفسك، هل تشوفينها جميلة ام قبيحة؟ دبةوالا نحيفة؟

بعض البنات تكون بشعة بمقاييس الجمال لكنها تشوف نفسها ملكة جمال، والعكس صحيح زي اللي بحالتك
وبعضهن تشوف نفسها نحيفة وهي دبة، وتاكل بشراهة وماخذة راحتها لأنها في المراية فعلا تشوف نفسها نحيفة
والعكس تكون زي العود وجلد وعظم وتبطل تاكل بسبب انها تشوف نفسها في المراية دبة

وهالمشكلة لها علاقة بالاكتآب او اضطرابات المزاج عموما، ولذلك يكون مع المصاب بها اعراض اكتآبية او تقلب مزاجي

العلاج الله يسلمك هو بروزاك 40 ملجم (يعني كبسولتين) صباحا، واستمري عليها يوميا مدة 6 شهور ع الأقل
وخلال هذي ال 6 شهور ممكن تعملي جلسات علاج نفسي معرفي سلوكي وبتكوني بخير ان شاء الله