الألم يصنع الأمل

بيانات اضافيه [ + ]

رقم العضوية : 43607  تاريخ التسجيل :  05 2013  أخر زيارة : 16-05-2015 (10:32 PM)  المشاركات : 192 [ + ]  التقييم :  10

لوني المفضل : Cadetblue

طريقتي للتخلص من الرهاب الأجتماعي لمدة 3 شهور ( أخوي متفائل محتاج نصائحكك ودعمكك ) !!

السلام عليكم ورحمة الله وبركاته
عندي لكم طريقة للتخلص من الرهاب الأجتماعي لمدة 3 شهور تقريبا لأن مستحيل بين يوم وليلة تبي تتشافى من الرهاب !
لكن الطريقة الي بقولها لكم ( تحتاج العزيمة والأصرار والتفاوءل على النجاح وأهم شي الصبر وعدم الأستعجال على النتائج ) قبل لا أبدا في البدايه لازم تكون محافظ على جميع الصلوات في المسجد واذا فاتتكك الصلاه في المسجد صلها في البيت بوقتها والأفضل انكك تحرص تصليها في المسجد لاتقول ماقدر صعب قول أقدر أقدر أقدر ولاتنسى أن تصلي ركعتين في أخر الليل وتطلب من ربكك الشفاء وكذالكك تتصدق على المساكين وتستغفر بنية الشفاء وقراءة القران وخاصة سورة البقرة
للتخلص من الرهاب الأجتماعي بنشتغل على حاجتين الي هي ( الأفكار و السلوكيات ) لأنها هي الي سببت لنا الرهاب ولكي نتغلب عليها لازم تكسر حاجز الخوف وأنكك أنسان متفائل على النجاح وأنكك تملكك الأراده في داخلكك لكي تتخلص من هذا الرهاب !
نجي الحين للأفكار خصص لكك مثلا 20 يوم أو شهر كامل تقول فيها عبارات أيجابيه مثلا أنا قوي شخصيه أنا أقابل الناس بكل أريحيه أنا أقابل الناس بسعاده أنا أقابل الناس بثقه أنا أشعر بالسعاده عندما ينظرون الناس الي كل يوم يحمل لي أحداث ساره أنا احب نفسي وأتقبلها كما هي أنا واثق من نفسي أنا متفائل أنا قوي أنا الأفضل انا الأحسن وغيرها من العبارات الأيجابيه طبعا ردد الجمل 3 مرات في اليوم وأهم شي مع الترديد تستشعر معاني الجمل وكأنها بالفعل واقع كررها أكثر من مره أهم شي الأستمرار والصبر ولاتستعجل بالنتايج
ثانيا التخيل وهذه أهم نقطه في العلاج أغمض عيناكك و تخيل انكك معزوم على عزيمة وفي المجلس جالسين ناس مايقارب خمسة أشخاص تقريبا تخيل انكك جالس معهم وتسولف معهم بكل جراءه وثقه تخيل ملابسهم أشكالهم أي أستشعر وجودهم بالفعل كرر هذا التخيل لمدة 10 دقائق على الأقل وكرر التمرين 3 مرات في اليوم وقبل النوم مره وحده
ثالثا سجل صوتكك وأنت تردد عبارات أيجابيه وأسمع صوتكك بأسترخاء وركز على الجمل أثناء الأستماع وكرر هذا التمرين 3 مرات باليوم متوزعه .
رابعا قف أمام المرايه بثقه وأنا أنكك أنسان مهم في الحياه أنسان ناجح أنسان متفائل أنسان واثق من نفسه أو ردد عبارات أيجابيه وأنت تناظر لنفسكك أمام المرايه .
خامسا رياضة المشي حاول بقدر المستطاع تمشي يوميا لمدة نص ساعه أو ساعه على الأقل وفائدة تمرين الرياضه تطرد القلق و التوتر ومافي أي مانع وأنت تمشي شغل سماعات الجوال وأسمع صوتكك وأنت تردد عبارات أيجابيه لكي ترسخخ العبارات داخل عقلكك .

شوف هذه المقاطع وصدقني راح تستفيد كثير منها



للأمانه هذا المقطع أخذته من أخوي متفائل
http://www.gulfup.com/?x5cOf5


أي أحد عنده شي بيضيف على الأفكار ياليت يطرحها هنا عشان الكل يستفيد .



الحين نجي دور السلوك وهذه اهم نقطه للتخلص من الرهاب بأكمله طبعا لاتبداء بالسلوكك الأ بعد 15 يوم أو شهر وتكون قبلها بادي بالأفكار عشان تعزز ثقتكك بنفسكك
واذا بديت بالسلوك أستمر ع تطبيق الأفكار معها
قبل لا نبداء بالسلوكك أبيكم تشوفون هذا المقطع وشوفوا كيف الشخص تخلص من الرهاب بواسطة السلوكك و الأفكار



بالنسبه لي انا راح أطبق نفس الي في المقطع بأنسخ أدعيه و أذكار و أوزعها في المسجد قبل أقامة الصلاة لمدة شهر كامل وكل يوم أغير عن المسجد الي وزعت فيه طبعا مو شرط ان نسوي نفس السلوك كلن وطريقته الشهر الي بعده حاول كل يوم تسير على الأصدقاء أو الجيران واذا ماقدرت رح لأي مكان فيه ناس زحمه مثل المجمعات و الأسواق أو المطاعم كل يوم رح لمجمع ثاني أو أستمر على توزيع الأدعيه و الأذكار لمدة شهر ثاني بعدها رح لأي مناسبة من جماعتكك أو جيرانكك ومو شرط انكك تتكلم معهم أهم شي تكون متواجد معهم وفي المره الثانيه حاول تسولف معهم ولو بكلمه وحده والمره الثالثه شاركهم بالحديث أو جيب لهم سالفه قصيره وسولف معهم صدقني راح تلاحظ أنكك أنسان ثاني الشي الي أبيكم تفهمونه أن تمرين السلوك والأفكار لازم تتطبقه يوميا لمدة شهرين ونص أو خل نقول 3 شهور متواصله لاتفوت ولا يوم الأ وتطبق واهم شي الأستمرار ولاتقولون 3 شهور طويله فكروا بعد 3 شهور وشي المكافئة ؟ المكافئة أنكك تخلصت من الرهاب وأصبحت أنسان ثاني سؤالي لكم ليه ماتجربون هذه الطريقه وش المانع أنكك ماتجربون اذا جربت بتخسر شي من حياتكك ؟؟
بالنسبه لي هذا الي أنا بمشي عليه وهذاي طريقتي للتخلص من الرهاب بأذن الله وترى أنا لسى مازلت أعاني من الرهاب لمدة 10 سنين تقريبا لكن خلاص طفح الكيل أبي أغير حياتي أبي أكون أنسان ثاني وراح أرفع الموضوع بعد 3 شهور تقريبا وبأذن الله انا عندي تفائل ورغبه أني أتخلص من الرهاب وانا عند قد كلمتي وأخيرا كلمه أخيره لأخوي متفائل هل طريقة السلوكك الي في المقطع تنفع أم لا ؟ واذا عندكك طريقة ثانيه للسلوك ي ليت تطرحها لنا عشان الكل يستفيد واذا تبي تضيف شي ع الي كتبته أو نصائح لنا ي ليت لأن مانستغني عن كلامكك وخبرتكك للتخلص من الرهاب
واخوي متفائل أنا مسجل في المعهد لغه أنجليزيه ودائما تجيني أعراض الرهاب في المعهد ومازلت مطنش هل ذهابي للمعهد يعتبر علاج سلوكي ؟ ( كوني أذهب للمعهد ويجبرني المدرس أقراء أمام الطلاب )
وفي الأخير أتمنى أن الله يشفيني ويشفي جميع المسلمين أجميعن يارب العالمين
تحياتي لكم اخوكم سابقا الله حسيبكك

المصدر: نفساني