مجموعة افكار

بيانات اضافيه [ + ]

رقم العضوية : 45074  تاريخ التسجيل :  10 2013  أخر زيارة : 24-12-2014 (11:33 AM)  المشاركات : 252 [ + ]  التقييم :  50  الدولهـ  الجنس ~

لوني المفضل : Springgreen

كلام اخواني كفى ووفا انا وسواس الموت راودني اول ما التزمت وقمت اقرى واتعلم بالدين شوفي بقولج اشياء حطيها حلقه باذنج وحفظيها مثل اسمج عدل مثل ما انتي حافظه اسم بنتج و زوجج و وطبقيها مثل ما انتي تشربين الماي كل يوم وتعيشين عليه

1 - الوسواس يصيب الناس اللي عندهم مبادئ و يركزون على شي معين يعني لو انتي تركزين على حوادث السيارات و تفكرين بنفسج حزتها راح يحوشج وسواس حوادث سيارات وان ممكن تسوين حادث هذا مثال اوكي
2- الوسواس مجرد فكرة سخيفة كاذبة تتسلط على المخ احنا شلون نقضي عليها و نموتها ونطلعها من مخنا ؟؟ كل ما وسوستي ضحكي ضحكه ولو كانت كاذبه وقولي حق مخج مجرد وسواس يخف تافه مايقدر يخرب علي يومي وقومي شغلي التلفزيون او بطلي كتاب اقريه او سولفي بالتلفون او غيره

3- لالا تقعدين بفراغ اببببببدا اقري كتب طلعي سوي رياضه سولفي طالعي فيديوات باليوتيوب حوسي بالانستقرام سوي كل شي ولا دقيقة تقعدين فاضيه

4 - تدرين شنو الفرق بيننا وبين الناس اللي ماعندهم وسواس وافكار تسلطية ؟؟ ان اهمه مشغولين طول اليوم وان اهمه لما تراودهم فكرة يضحكون عليها ويدرون انها وسواس اما احنا صيدات و نصدق و نقعد نحزن ونبجي و مادري شنو تفاهات ترى جد

5 - بما انج تركتي صلاتج عشان الوسواس و هانت عليج صلاتج الله يمكن ما يساعدج بالعكس زيدي بصلاتج و لحي بصلاتج و ركزي بصلاتج و شدي حيلج و اقري قرااان ترى القران شفاء النفس و الامراض و كل شي عليج فيه

شوفي انا ادري ان الفكرة الملحه مسيطرة عليج وانج الحين قاعده تفكرين ان حتى لو سويت كل هالاشياء راح تضل الفكرة طاغية عليهم بس بقولج معلومة

العقل يحتاج 21 يوم عشان يتعود على شي مثل ماعودتيه على الوسواس ولازمج راح تعودينه ان هالفكرة سخيفة و تافهة و تضحكين كلما وسوستي وخلال 21 يوم باذن الله راح تنسيييييييين وجنه شي ماصار بس اهم اهم اهم شي قربج من الله سبحانه لان اهو اللي بيده الشفا اوكي ؟؟

طمنينا عليج اختي