|
شلون اتاكد اذا صج فيني اكتئاب اولا ؟
السلام عليكم
اخواني خواتي اعضاء المنتدى المحترم اتمنى تساعدوني بمشكلتي
اول شي انا رح احاول ارتب الكلام
تعرضت لظغط نفسي كبير من الدوام ( الشغل او مركز العمل ) وبنفس الوقت عندي مشاكل اسريه
الحمدلله على كل حال
بس الحين انا اقوى من قبل الحمدلله ويمكن انتهت المشاكل تقريبا لكن انا موانا ؟؟؟
انا وايد تغيرت
بدأت الاعراض تقريبا من ست شهور شهر 4 الي فات دايمن حزينه ومالي مزاج اسوي شي
وشهر 9 استوعبت وعرفت ان فيني اكتئاب طبعا صدمه بالنسبه لي بس كنت قدها ورحت بنفسي عياده نفسيه والدكتور شاف حالتي وكنت ابجي وايد كتبلي وصفه للدوا افكسور ست علب وعطاني موعد بعد شهر
المهم انا ترددت اخذهم ولالا ؟ بس قلت ااجل العلاج لاني كنت بسافر ولان في اعراض رح تظهر مع بدايه العالج مثل كهربا بالراس واعراض ثانيه قريتها بالمنتدى... كنت خايفه لاني رح اسافر مع ناس مابي اوهقهم معاي
الحين انا اسبوع ونص من رجعت من السفر كنت احس اني طبيعيه واقنعت نفسي بهالشي ان الاكتئاب الي كان فيني راح لاني اكتشفته وقررت اساعد نفسي وحياتي طبيعيه وجميله واطلع واظحك وانشالله الموعد الياي بروح للدكتور وارجعله الادويه اقوله مافيني شي مابيهم ....
بس من اربع ايام رديت مثل اول؟ ماااادري رديت مكتئبه ؟ او عشان انا فعلا في امور كاسرتني ومزعلتني ؟
شلون اعرف فيني اكتئاب ولالا ؟؟؟
واذا كان فعلا اكتئاب هل اخذ الحبوب رح يخليني مثلا ... اتقبل الظلم ؟ او اظحك اذا احد تجرأ علي ؟ او اشوف حياتي التعيسه واقول وااااااااااو ؟ ياناس شي مايدش العقل يمكن انا مومكتئبه يمكن فتره شده واكيد بتروووووح
اليوم كان عندي موعد مارحت باجر رح اروح واشوف متى يعطوني موعد
ابي رايكم بليز
|