بسأمل ــة

بيانات اضافيه [ + ]

رقم العضوية : 4946  تاريخ التسجيل :  10 2003  أخر زيارة : 08-10-2004 (10:07 PM)  المشاركات : 105 [ + ]  التقييم :  10

لوني المفضل : Cadetblue

السلامعليكمورحمةاللهوبركاته

لا شكر على واجب أخوي ثامر...
وأرحب بأي استفسار أو تساؤل الله يقدرني على الاجابة عليه ..

بالنسبة لتصنيفات العلاج بخط الزمن فأنا ما أطلعت عليها كلها لكن أغلب الكتب إلي قرأتها والدورات إلي حضرتها كانت بتتفق بأنه الناس نوعين ..إما في الزمن أو خلال الزمن ..

لكن أتصور إنه هذين النوعين إلي ذكرتهم هما نفس التصنيف إلي ذكرته ..لأنه المدرب كان يقول بأنه الشخص الذي يسترجع الذكريات ويندمج معاها بسرعة بيكون في خط الزمن ...أما الأشخاص إلي يلاقوا صعوبة في الاندماج أو الاتصال مع الذكريات فيكونوا خلال الزمن ..

وفيه نقطة مهمة إنه القدرة على التخيل بتعتمد على الانظمة التمثيلية لكل شخص ..بصري أو سمعي أو حسي ..


كيف كان وقع دورة العلاج بخط الزمن على حياتك ..... وايش قدرت تغير بالضبط

العلاج بخط الزمن كان فنية من ضمن الفنيات أو التدريبات إلي أخذتها في دورة الممارس في البرمجة اللغوية العصبية ..وصراحة غيرت أشياء مرة كثيرة وخصوصاً على صعيد نظرتي للناس ...وساعدتني والحمدلله على إني أتجاوز مشكلة أستمرت اكتر من 5 سنين ...::5

وأسمحلي اخوي وياريت كمان لو يسمحولي بقية الاعضاء راح أذكر تجربتي الشخصية في هذا العلاج مع المدربة عشان توضح الفكرة أكثر ..

قبل حوالي 5 سنين حصلي موقف سلبي وتجربة سيئة مع إحدى الشخصيات ..والأسوء في الموضوع إنه بحكم القرابة فأنا مضطرة أتعامل مع هادي الشخصية بااستمرار ..وكنت أكره حتى مجرد سيرتها لدرجة إني كنت أحس بالمرض فعلا لما أشوفها أو حتى أدخل مكان وأنا عارفة إنها موجودة فيه ...كرهت كل المناسبات إلي المفروض تكون سعيدة عشانها ..قلبت حياتي جحيم فعلي ..وإلي زاد إنها تتصيد الفرص عشان تزيد في أذيتي ..كنها تستمتع بعذابي ..

المهم المدربة بصراحة كانت ذكية فعلا ..أقترحت إني أكون اول وحدة نطبق عليها التقنية الجديدة ..وما أعترضت إمكن شعور داخلي ..سبحان الله فعلا بعد العسر يسر....

وفعلا طبقت التقنية ..حسيت بعدها إني مبسوطة ..مرتاحة داخليا ..ويريد الله ويكون التطبيق فوري بمجرد ما رجعت البيت لقيت هادي الشخصية عندنا ...ولأول مرة من أكثر من 5 سنين أواجه هادي الشخصية بدون تصنع ..وسلمت عليها وأتكلمت وما عاد حاسه بالكره والنفور والاشمئزاز إلي كنت أحس فيه زمان ...

آسفة طولت عليكم لكن هادي التقنية كشفتلي إنه مو شرط التجربة إلي إحنا بنذكرها أو نربطها بالموقف السلبي تكون هي فعلا التجربة المسببة لهادي المشاعر ...

بمعنى مثلا في تجربتي كنت مقتنعة تماما إنه الموقف إلي قبل 5 سنين هو المسبب لحالة النفور والكره لهادي الشخصية ..والمفاجئة إنه التقنية كشفت إنه فيه تراكمات سابقة ومواقف بسيطة وصغيرة ماأهتميت بيها هي الأساس والموقف إلي قبل 5 سنين مجرد مفجر أو النقطة إلي طفح معاها الكيل ...

واتصور إنه قيمة هادي التقنية كونها ما تجبر الفرد إنه لازم يذكر التجربة أو الموقف عشان يحصل على المساعدة من المعالج زي تقنية علاج المخاوف مثلا ..فهادي التقنية فيها نوع من السرية والخصوصية ..

وشيء ثاني إنه التدرج في هادي التقنية بيكشف عن الاسباب الحقيقية للشعور وفي مشاعر ممكن تكون لمواقف قبل ما يولد الانسان وأثرت عليه ...

اشكرك اخوي على طرحك للموضوع وأشكر الاعضاء الكرام على تواصلهم وتفاعلهم ..غنتوا إلي فعلا لكم الشكر أما أنا فمجرد نقلت معلومات ..::7أتمنى إنها تفيد الجميع