نفساني - عرض مشاركة واحدة

06-11-2013, 02:02 AM

احلام. . متفائلة. .
تعرفين شيئ ؟ انتي من ناس القليل اللي شدو انتباهي وتفكيري. . انا اخصائية نفسية وشفت كثير من الحالات في حالات صعبه. . بس حالتك وضعك اسيطر على تفكيري. . برغم من انشغالي طول اليوم الا اني افكر فيك. . افكر بحالك وادخل المنتدى عشان اطمن عليك. . واتمنى اني اشوف رد يطمني ان حالتك تحسنت. . اختي لما تقولي لدكتور رعد ليه تهتم اذا مت ؟ عشانك دكتور ؟
تعرفين اختي الدنيا سبحان الله فيها جميع انواع البشر فيه العادي المسالم. . وفيه الشرير اللي يأذي وفيه السارق وفيه الفاسد وفيه الامين والمخلص وفيه طيب. . يعني لا تستغربي لما تشوفي شخص برغم من كل انشغاله جالس يفكر فيك ويكتب لك وقلبه عليك. . في ناس قلوبهم بيضا يقدمون الخير والسعادة بدون مقابل. . دكتور رعد مايعرفك ومو شرط يساعدك ولا مطلوب منه ولا مجبور انه يساعدك بس ليه يدخل المنتدى كل يوم ويرد عليك ؟ فكري ليه ربك ارسل لك اشخاص جالسين يعطونك بدون مقابل. . جالسين يقنعونك يشجعونك يعطونك الامل. . لأنك انسانه تستحق انها تقابل ناس مخلصه همها سعادتك والخير لك. . ربك مثل ماخلق الشرير القاسي خلق الطيب الحنون. . اذا ربي كتب انك تتخلطي مع ناس قاسية. راح يخليك تقابلي ناس حنونه. الدنيا عادله. . لا تفكري ان الحال ماراح يتغير. . كل شي بدنيا متساوي وعادل. . رحمه الله تسع كل شيء.. دكتور رعد اعطاك اكثر من طريقه لحل المشكله. . انا اعطيتك اكثر من طريقة ولكن انتي تنظرين انه مافي حل. . وانه مهما سويتي مافي فائده. اختي لما تشعري الاكتئاب يكون تفكيرك مسيطر عليك السلبية وفقدان الامل. . بتقولين واقعي صعب ومافي امل. . بقولك مهما كان صعب مهما كان صعب في مخرج. .. الحال لا يدوم. . اختي في حديث قدسي يقول انا عند ظن عبدي بي.
الله سبحانه وتعالى يقول انا عند ظن عبدي بي. . يعني اذا ظن العبد ان مافي امل ومافي فائده وماراح يتعدل الحال وماراح يشفى الله راح يعطيك هالشيء. واذا ظن العبد ان مهما صعب اموري ربي رحيم وانا اثق فيه مهما كانو كل الناس ضدي ومهما تعبت انا اثق بربي. . الله خلقني وقدر لي اعيش وامر بهذه الظروف الصعبه وانا اثق باختياره وراضية بحكمه وراح ارضى واتحمل اكثر ومتأكده ان ربي بيساعدني وراح القى مخرج وبيفرج كربتي انا اثق فيك ياربي. . لوقلتي هالكلام وانتي متأكده ربي بيستجيب لك. . لان الله قال انا عند ظن عبدي بي. . اختي مو اهلك او امك او ابوك وكلامهم الجارح يحدد انتي تعيشين ولا لا. . شيء صعب انك تسمعين هالكلام من امك.وابوك صح جدا صعب بس مو هم ولا كلامهم اللي يخليك تتخلين عن حياتك. . مهما سمعتي كلام لا تخليه يحبطك. . هم يتكلموا كذا الله يهديهم ويسامحهم بس لا تسمحي انه يأثر عليك. . انتي تستحقي انك تعيشي وهم الغلطانين بحقك مو انتي. .
اختي لما تقولي مافي امل وماراح يتعدل الحال. . بقولك شيء ماعمري قلته لاحد. .هيىتجربه مريت فيها. . بعد تخرجي واجهت صعوبات كثير اني اتوظف. . احبطت كثير. . كنت اشتغل باليل والنهار بدون اي مقابل مادي واتحمل كل تعب وبالاخير لا يوجد فائده. . اختي ماتتصورين اش قد تعبت بس كنت اتحمل واقول بكرا ربي بيعطني. .واكمل شغل واسعى واعمل بدون مقابل. . واقول ربي بيعوضني يوم من الايام. . ومع كثرة الاحباطات رحت زرت عمتي. . عمتي جاها مرض قبل 7 سنوات خلاها تفقد اطرافها بالبدايه رجولها بعدين انتشر المرض وفقدت يدينها. . كنت اشوفها قدام عيني سنه عن سنه تتعب. . ماتتحرك. . بس تعرفين اللي المرض ماقدر يخليها تفقده ؟ ابتسامتها .. كل ما اشوفها مبتسمه وراضية وتسولف وتتكلم وكانها مالكه الدنيا مع انها ماتقدر حتى تأكل بيديها. . كنت كل ما اشوفها احس احزاني واحباطي ولا شي مايسوى شيء. . قالت لي كلمه اثرت فيني. . تقول تعرفين ساره لو ربي حرمني الوظيفة. . حرمني الزوج. . حرمني اي شي بالحياه برضى والله برضى بس الا العافية الا الصحة. . صدقني اختي دمعت عيني وحسيت انه مالي حق ازعل واتضايق ان ربي مارزقني الوظيفة. . من بعدها زاد ايماني بربي اكثر وصرت احسن ظن فيه. . من بعدها الحمدالله انفتحت كل الابواب بوجهي ورزقت بكذا وظيفة مو وظيفة وحده. . اختي مهما حياتك صعبه في ناس يتمنون حياتك يتمنون الصحة اللي ربي اعطاك يتمنون الحياة اللي انتي تبغين تتخلين عنها. . صدقني اختي الحياه اكبر من خلافات في الاسره. . وضعك صعب ادري وحاسه فيك بس في ناس اسوء من وضعك وجالسين يحاربون عشان سعادتهم. . اختي اتمنى كلماتي وصلت لك لاني جالسه اكتب من كل قلبي.. كل شيء.له حل. . الله رحوم تأكدي. . ارجعي فكري بالحلول. . وطمنينا. .