المشاركة الأصلية كتبت بواسطة أماني القلب

لاتقلق اخوي، حاسين وفاهمين مشاعرك وشو بتقصد ، نعم اختلال الانية او التغرب عن الواقع بشكل اوضح او عن الذات والمحيط والاخرين، يعني ماتهتم بهالمسميات وتحاول تفسيرها.
لا اتطمن لاهوة مرض ولا رح تفقد ذاكرتك ولن تجن بإذن الله، كلنا تعرضنا لهالعارض ولا انكر انه كريه ومخيف ولكن لن يسبب لك اي شي من هالاشياء اللي ذكرتها متل ماكلنا كنا نفكر.
هو اساسا كل مرض القلق خوف فمابالك باختلال الانية اكيد رح يكون مخيف، كل فكرة عنا مخيفة والها مليون تفسير،ولكن لما نعرف انها كلها افكار خاطئة ووهمية ومش رح يصير ولا نسبة 1% من اللي بنفكر فيه رح نرتاح ونطمن.
اخوي لاتهتم وتفصل وتجزأ كل عرض لوحده كل الاعراض مترابطة وبتكون تحت مسمى القلق النفسي وبمجرد انه نعرف اعراضنا وطرق التعامل معها وانها مش رح تسبب لنا اي اذى رح تخف وتختفي ان شاء الله.
حل الاختلال ذكر الله والتعوذ من الشيطان والمحافظة عالاذكار واهم نقطة التجاااااااهل طنشه ماتفكر ابدا فيه ، وانشغل باي موضوع تاني ومرة ورا مرة رح تتغلب عليه ان شاء الله.