المشاركة الأصلية كتبت بواسطة د.رعد الغامدي

برافو عليكي حنين،، ترى كل الناس كذا
هذا الرهاب تقريبا يمر على كل الناس الا اللي ماجربوا الوقوف امام جمهور، لأنهم اصلا مايقدروا يتجرأوا

وفعلا مثل ماقلتي، الواحد يشوف نفسه جاب العيد بينما اغلب الناس مو ملاحظين ولا في بالهم اصلا
واغلب الناس يكون اصلا متأثر بافكار الطفولة وسلوك الاطفال
واقصد اننا تعودنا في طفولتنا ان اللي يطلع قدام زملاه يقول كلام نقعد نتتريق عليه ونسوي له حركات علشان نخليه يضحك او يتلخبط
ويبقى هالشي معانا ونظل نحس ان الناس لما نوقف قدامهم بيكونوا مركزين على عيوبنا او يتعمدوا يتتريقوا فينا

وكله كوم ولما تلقى نفسك تأدي دور ماهو دورك. لو هو تمثيل على المسرح والناس عارفين انه تمثيل كان اهون
وهذا اللي نكبني اكثر شي. ان شاالله اني اخاف الله وزي كذا لكن اعرف نفسي واعرف ان عندي معاصي
واعرف انه مو لايق علي خخخخ، لكن الله كريم،، ان شاالله اصير صاحب دين بأفضل صورة يحبها ربي،، ياااارب

ميرسيه ياطيوبة على عرض تجربتك، ربي يسعدك ويحفظك