ضحية الهلع حبيبتي والله حاسة فيك ومثلك واكثر والله اطالع ب الناس اللي حولي وبنات مدرستي اقول ما شاء الله عليهم كيف مستانسين وانا لا .. واطالع بالناس الكبار مستانسين وفرحانين واقول انا عمري 17 وفيني هم عجوز هههههههههه .. بس الحمدلله على كل حال هذا ابتلاء والله اذا حب عبده يبتليه *
.. بس بسألك تجيك اعراض ؟ يعني دوخة او تحسين بكتمة او اكتئاب او غيره ؟
بس بقول لك انا حتى بالعيد الأضحى هذا وانا جالسة مع الناس تنكت على الوساوس انتي بتموتين قدامهم وانتي وانتي وانتي وغير نوبات الهلع اللي اتعبتني الله يشفينا ويصبرنا .. وزيادة عليها كنت كل ما ابي ارفه عن نفسي واغير جو ادخل التويتر ولا الانستقرام وفجأة اول مايطلع لي اخبار عن الموت او كلام .. تخيلي كل شي! انا عانيت منه اول ماجاتني نوبة الهلع .. وكنت احسبه الموت جد الله يطول بأعمارنا بطاعته .. وجلست اسابيع مكتئبة وارق ما انام الليل ابدًا الين يطلع الصبح ثم انام وغير الوساوس بالسجود والصلاة وعند الناس واهملت دراستي واختباراتي وحتى الجمعات عند قرايبنا مره حاولت اطلع وجلست عندهم وانا كل شوي قلبي ينبض واحس بالدوخة ووساوس الموت وبدوخ وغيرها وغيرها .. مرت الايام الين عرفت انها نوبة هلع والحمدلله خفت الوساوس وتروح وترجع معي بس احاول احاربها والله كل ما عرفت ان فيه ناس فيهم مثلي ويحسون مثلي ارتحت الحمدلله .. بس شوفي حبيبتي عندي لك نصيحة وحطيها مثل الحلقة بأذنك :
1) وهم + وهم + قلق = وساوس .. شفتي الشيطان الرجيم يوسوس فيك ثم يوهمك بالموت ويخليك تخافين منه وتفكرين فيه ويقول انتي بتموتين وانتي وانتي .. من متى والشيطان الرجيم يعرف الغيب؟ يعني اذا جا بيوسوس لك بالموت اسحبي عليه وطنشيه واضحكي عليه بعد ..
2) أعرفي ان الموت مكتوب عند ربي ولو ربي كاتب لك عمر 70 سنة فهل بتجلسين طول هالسنين تترقبين الموت ؟ انا اعرف صديقتي ابوها من 7 سنين وهو يقول لأبنائه انا بموت انا بموت قريب ويبدى يوصي عياله .. وما شاء الله الين الآن وهو عايش (: .. بس لاعب الشيطان الرجيم بعقله .. وفيه ناس تقلبوا بسياراتهم وصار لهم حادث ولا ماتوا ليش ؟ لان ما خلص عمرهم ..
3) الموت اكيد بيد الله والدعاء يغير القدر صلي ركعتين وادعي الله ان يطيل عمرك بطاعته والله سبحانه سميع الدعاء ويستجيبه سبحانه ربنا كريم ~ وفيه دعاء حلو داايم اقوله اذا جتني الوساوس او المخاوف عن الموت .. وهو :
اللهم أطل اعمارنا في طاعتك واحسن اعمالنا وارزقنا الانابة إليك في غير ضراء مضرة ولا فتنة مضلة وتوفنا وانت راض عنا بعد عمر مديد في رضاك وطاعتك وعافيتك ..
2) ابتعدي عن أي شي يضيق صدرك .. انا في كل مرة كنت ادخل الانستقرام والتويتر وتطلع لي قصص الموت وكلام .. رحت الله يسلمك وحذفت التويتر والانستقرام عندي سويت انفولو للي يجيبون الهم وش ابي بالهم انا هههههه .. وحملت برنامج حلو كذا حق دروس الفن اليدوي وفرفشت نفسي
.
3) غيري من نمط حياتك .. غرفتك مثلاً غيري صبغتها وغيري مكان السرير او المراية .. جيبي ورقة وأكتبي فيها وش تحبين تسوين ووش احلامك وش تتمنين وانا عارفه اذا جاك الوسواس وقال لا لا انتي بتموتين لا تسوين كذا طننننننششششي
واذا ودك تفضفضين او تتكلمين معي وانا فعلاًا اعترف لك ودي اتكلم وافضفض مع وحدة تحس باللي احسه .. اذا عندك تويتر او اي برنامج اقدر اكلمك فيه بكون متشكرة ليك
.