المشاركة الأصلية كتبت بواسطة متفائل ولكن

اخوي صدقني انت مكبر الموضوع بقوه

ذكرتني بنفسي قبل ادخل الدوره كنت متخوف بشكل كبير

لدرجه اني اول مادخلت كنت ارجع ورا دائما لاني اسمعهم يحطون اللي قدام عريف الحضيره ( تتكون من عشر افرااد انت مسئول عنهم ) وكنت ما ابي اي مسئوليه

المهم كان معي واحد ما اعرفه كنت اقوله خلنا نرجع ورا عشان مانتوهق ,, رجعنا ورا و تخيل وش صار خخخخخخخخخخخخخخخخ ناداني العسكري قال انت تعال اول واحد هههههههههه اووم النكبه عاد انا رهابي وخجول شوي

الشكوى لله صرت عريف الخضيره وطحت بناس ماتفهم ومبزوطين بقوه لكني قلت هي خاربه خاربه يعرفوني هم ماعليهم منهم ,, وامشيهم على الصراط المستقيم اخليهم ينظفون الحضيره ويرتبون السراير ( بقوه النظام )

عاد بسبب طولي واعرف امشي صح خلوني قياده للفصيل ( اول واحد يمين ) وجاني تعليقات وتهاوشت مع كم واحد وتجازيت كم مره ,, عادي لازم تواجه هاذي الحياه

لكن صدقني بتحصل ناس توقف معك وبتتعرف على اصدقاء تحطهم ع الجرح يبرئ

وارجع اقولك والله يقودونكم زي الخرفان خخخخخخخخخخخخ يمين يسار كلكم مع بعض يعني مايركزون على شخص واحد ,, انت لانك رهابي موسوس شوي

نصايحي لك ( ضبط ملابسك تمام عشان مايهزئونك على اللبس تراه مهم لاتجيهم مبهذل لازم القيافه تصير تمام + حاول تابع المدرب وتطبق الحركات صح بشكل سريع عشان تريح راسك + خلك حي وطبق الاوامر بسرعه عشان مايطقطق عليك المدرب ) هاذي اللي يبونه منك يعني ماراح يركزون عليك ماهم فاضين لك ترى

بالنسبه للاكل والصلاه والتدريبات كلكم مع بعض تمشون بالاوامر يمين يسار وقف تحرك يعني عادي اسهل مما تتصور

بآخر الدوره يمكن هذا اللي انت متخوف منه ( تدريبات ع السلاح وتدريبات انفراديه ) انا جبت العيد وكل اخوياي جابوا العيد عادي يعطيك كلمتين ويقول اقلب وجهك وكلهم يضحكون عليك خذها بروح رياضيه وتوكل ع الله

بالنسبه للادويه اذكر اول الدوره القائد قال اللي عنده علاج يستخدمه يعلمنا عشان نحطه له بالثلاجه عادي جدا ,, لكن انا ماعلمتهم بشي كل الادويه عندي بالدرج واذا جاء تفتيش مايناظرون الادويه انت حطها بعلب لعلاج المعده والحموضه او البندول وتمشي الامور مايركزون كثير

بالتوفيق لك