المشاركة الأصلية كتبت بواسطة تعبت من الالم

رهايف والله كاني انا الي اتكلم .. كلامك نفس كلامي واعراضي

بس عاد الحين مع وصفك للاغماء والاحساس الي يجي في طبله الاذن .. عز الله وسوست بااذني عاد انا جاهزه للوسواس ابد ماوراي شغله ولا عمله


حتى مع هالجو الزين والمطر والغيم ما استمتعت كل وقتي مخاوف من هالراس والاحساس بالدوخه


انا حللت اشياء كثيره اول ماتعبت وجتني الحاله والحمدلله تحاليلي سليمه بس ماقد سويت تحليل فيتامين د


بس حللت كالسيوم من فتره لان قريت ادا الكالسيوم مطبوط معناه د يكون مظبوط والعلم عند الله


اتمنى ان الله سبحانه وتعالى يرحمنا من هالعذاب ويشفينا والله العظيم حياتي مالها طعم زي ماقلتي اتفاءال شوي واقول الحمدلله انا طيبه مافيني مرض وكل هذا وهم ووسواس


وكلها دقايق وارجع اذبح نفسي بالافكار حتى لو اروح دكتور اقول خرطي اكيد هالدكتور مادقق زين والا ماعرف لي


واهلي يقولون من تشاءمك بالمرض ررراح يجيك فعلا ووقتها تندمين 😔


ابي اطلع فكره المرض من راسي


والله اني اوسوس بامراض ماتخطر لكم على بال


خلاص راسي انتهى معاد يتحمل وحياتي متعبه جدا دايم احس اني على وشك الخطر ما ارتحت ابداا يازين حياتي قبل هالوسواس 😔