نفساني - عرض مشاركة واحدة

17-11-2013, 01:10 PM

اقتباس:

المشاركة الأصلية كتبت بواسطة تعبت من الالم

رهايف والله كاني انا الي اتكلم .. كلامك نفس كلامي واعراضي

بس عاد الحين مع وصفك للاغماء والاحساس الي يجي في طبله الاذن .. عز الله وسوست بااذني عاد انا جاهزه للوسواس ابد ماوراي شغله ولا عمله

حتى مع هالجو الزين والمطر والغيم ما استمتعت كل وقتي مخاوف من هالراس والاحساس بالدوخه

انا حللت اشياء كثيره اول ماتعبت وجتني الحاله والحمدلله تحاليلي سليمه بس ماقد سويت تحليل فيتامين د

بس حللت كالسيوم من فتره لان قريت ادا الكالسيوم مطبوط معناه د يكون مظبوط والعلم عند الله

اتمنى ان الله سبحانه وتعالى يرحمنا من هالعذاب ويشفينا والله العظيم حياتي مالها طعم زي ماقلتي اتفاءال شوي واقول الحمدلله انا طيبه مافيني مرض وكل هذا وهم ووسواس

وكلها دقايق وارجع اذبح نفسي بالافكار حتى لو اروح دكتور اقول خرطي اكيد هالدكتور مادقق زين والا ماعرف لي

واهلي يقولون من تشاءمك بالمرض ررراح يجيك فعلا ووقتها تندمين 😔

ابي اطلع فكره المرض من راسي

والله اني اوسوس بامراض ماتخطر لكم على بال

خلاص راسي انتهى معاد يتحمل وحياتي متعبه جدا دايم احس اني على وشك الخطر ما ارتحت ابداا يازين حياتي قبل هالوسواس 😔

أيه الأجواء اللحين اجواء روما ما شاء الله هههههههه .. الله يديمها علينا يارب نقرتين لعرض الصورة في صفحة مستقلة

لا ياعمري شوفي ..

بخصوص الوسواس .. ترا والله واحلف لك بالله أن امرها بسيييط مره .. انتي بتقولين لي لااا هي اتعبتني بحياتي .. شوفي انا اتعبتني لمدة 4 سنين ووساوس لو اقولها بتضحكين علي هههههه
شوفي مرره وسوست ان فيني مس اعوذ بالله .. وصلت المرحلة اني اذا احد قرأ القرآن ينبض قلبي بسرعه واخاف <- شوفي هذي مع تفاعل الوسوسة ماهي مس اصلاً بس انا لاعبة على نفسي
وتخيلي 20 ثانية يروح الخوف وارتاح واخشع بالقرآن .. يعني لاعبة في نفسي بس

وتدرين وش اللي يقضي على الوساوس سواء كانت مرض ولا غيرها ؟ هي التجااااهل يعني ان جاك وسواس ان فيك مرض قولي لن يصيبني إلا ماكتب الله لي .. عاااد هنا يجي شغل وساويس الشيطان يقول لا يمكن فيك المرض هذا لااا انتي اكيد فيك اعراضها متأكده فيك ! .. انتي سوي مثل ما امرنا ربنا .. اننا نعصي الشيطان وساويسة .. هو عدو الله وحنا مسلمين وعباد ربي وهو مشتغل لنا يبي ينكد علينا حياتنا ومعيشتنا وراحتنآ
طيب هل انا اطيعه وامشي ورى وساويسه ؟ اكيييد لا .. وأعرف لك وحدة توسوس بالمرض .. تروح للدكاترة ويقولون لها انها سليمة تقول لااا هذا الدكتور غلطان ومحللني غلط .. هنا يستانس عليها الشيطان يمشيها مثل مايبغى
يعني حتى لو وسوس لك بفكرة محزنة مثل انا حياتي ماهي حلوة وانا تعيسة .. انتي هنا مثل ماقلت لك اعصيه وفكري بشيء حلو ويونسك مثل ذكرياتك قبل او مارسي هواية تحبينها .. وشوفي ترا الله مع الصابرين يعني ربي معك وبيعافيك نقرتين لعرض الصورة في صفحة مستقلة

وكل ما تجاهلتيه هنا الشيطان يتعب ويجي يوسوس لك زيادة وانتي تجاهلتيه ثم خلاااااص يضعف الوسواس ويروح ولا يجيك مره ثانية لان الشيطان تعب منك ..

وحنا ندعي لربنا بالشفاء وحنا موقنين ان ربي بيشافينا يعني نعقد التوكل على الله ونعيش حياتنا طبيعي من غير وساويس ..حتى ناظري مرضى السرطان واللي مبتورة رجلينهم ويدينهم وشوفيهم عايشين حياتهم كأنهم متعافين ولا همتهم الأمراض ..

بخصوص الدوخة .. هي تجيك مع الخوف والوساوس .. انتي تخلصي من وساوسك باللي قلت لك عليه فوق نقرتين لعرض الصورة في صفحة مستقلة

ثم تروح الدوخة والضيقه كلللهها ورى بعض ولا عاد تشوفين لها أثر

وشوفي من تصنع الشيء طبقه .. انتي تصنعي ان مافيك الا العافية وشوفي بأذن الله ان ماجتك العافية ما كون انا رهايف هههههههه

وأهم شيء تفائلي ولا تصيرين متشائمة ترا حتى ديننا تعوذ من التشاؤم ( اللهم لا طير إلا طيرك ولا خير إلا خيرك ولا إله غيرك ) والتطير هو التشاؤم

واذا عندك أي سؤال انا حاظره وموجوده ولا يرردك شيء ابد نقرتين لعرض الصورة في صفحة مستقلة

.