نفساني - عرض مشاركة واحدة - على كثر ما أحبكم ......... على كثر ما أكرهكم

31-01-2004, 02:54 PM

على كثر ما أحبكم ......... على كثر ما أكرهكم

بسم الله الرحمن الرحيم

السلام عليكم ورحمة الله وبركاته

هاااااااي .... شوي شوي علي

ترى مو قاصدتكم ..... قاصدة صديقاتي

مو خواتي .... إللي بالمنتدى

لكن صديقاتي إللي بالمدرسة

القصة و ما فيها .....

إني دزيت لثنتين من رفيجاتي مسج ما كنت قاصدة فيه شي

وهو : على كثر ما احبكم

على كثر ما أكرهكم

أحبكم لأنكم ربعي و ناسي

و أكرهكم لأن حبكم عورتوا لي راسي

________________________________

الصراحة هالمسج يزعل ؟

هم ازعلوا ....و اقلبوها دراما

ما كان قصدي إللي في بالهم

لكنهم ازعلوا ومدوا بوزهم شبرين جدامهم

______________________________

هم بعد دزوا لي مسج .... لو كنت بفكر مثل تفكيرهم كان زعلت

لكني خذيتها على غشمرة

و مسجهم كان :

يا ثور
يا تيس
يا عنز
يا كبش
يا اصخلة
يا خروف
يا بقرة

أكيد بذبح واحد منهم في العيد

___________________________

أنا ضحكت و دزيت لهم مسج

شكرا على الإطراء الجميل ...... كلها مخلوقات ربي

_________________________

و بعدها دزيت لهم المسج الأول .... على كثر ما .أحبكم ...

و بعدين هم دزوا لي: ترى اسلوبك كان فظ و حنا زعلنا منك

ولكني ما أحب أحد يزعل منى

صرت أدزز لهم مسجات أراضيهم .... لكنهم ... ارفضوا يدزون لي مسج ,

و قتها قلت و دزيت لهم المسج : خلاص إللي ما يبينا ما نبيه, و شكلكم

ومن تصرفاتكم ناوينها من زمان,

و لا تكثر الدوس تراهم يملونك , لا انت ولدهم و لا هم يربونك

و بعدها دزيت ...: الزمن خذا معنى الأخوة و المحبة , و الصداقة في زمنا

مصلحة دون نية

قبل ما أدوس على ارسال ... و صلني مسج ... لكني ما بطلته و ضغطت

على ارسال ....

و يوم فتحت المسج إللي كان جاي .... لقيتهم ..يقولون ترى انتغشمر ..

زعلتي ؟ ترنا ما نقدر على زعلك ..

و بعدها استوعبت إللي أنا دزيته لهم .... وتحسفت .... و بعدها و صل لي

مسج منهم يقولون :... يبا خلاص إللي بينا ما نبيه , و لا تقعدين تمنين

و بعدها عرفت شلون هم يفكرون ... كنت أيام المدرسة أسوي

لهم بحوثهم ... يعني يكونون هم مطلعينها و خالصين , و أنا أطبع لهم اياه

لأنهم كانوا يطلبونه مني ...عشان هم رفيجاتي ما بغيت أزعلهم

و المسج إللي كان .....( و الصداقة في زمنا مصلحة دون نية ..) كان واصلي

من أحد صديقاتي ... و كنت ما خذتها على غشمرة .... ودزيت لهم إياه

لكن ما كان قصدي إللي براسهم .... أصلا ولا فكرت فيه ... أصلا نسيته

لكنهم خذوها على جد ....

و أنا الصراحة .... قلت خلاص ما أبي منهم شي و إللي هم يبونه إن ما نكلم

بعضنا ...( لكن هذي سوالف يهال) ... و أنا قلت في بالي .. الصديق الحقيقي

ما يزعل من صاحبه .. لكنهم ازعلوا ... و هذا دليل على انهم صج مصاحبيني

عشان مصلحة ....,

لكني بفك الشر لأن إذا خليتهم كذا بطلعون علي كلام .... و أنا ما أبي

أسمع كلام مو زين عني

قولوا لي شسوي ..........ساعدوني

الله لا يحرمنا من مشورتكم

المصدر: نفساني