نفساني - عرض مشاركة واحدة - تعبت من الوسواس من تساعدني الله يوفقها ويسعدها(خاص للبنات)

31-01-2004, 04:58 PM

بسم الله الرحمن الرحيم..
أختي الكريمة (روح الأمل) يعلم الله مدى سعادتي بتجاوبك معي وان شاء الله يكون لي من اسمك نصيب..
اختي الكريمة فكرت إني اكتب لك عبر البريد لكن ماقدرت أصبر لحد ماترد الإدارة فقررت اني اكتب بعض جوانب معاناتي هنا يمكن يستفيد احد من تجربتي..
ارجو ان تتقبلي مني بصدر رحب لاني صراحة ماصدقت خبر..
واللي شجعني اكثر ان فيه تشابه بيني وبينك في البداية..انا فتاة عمري الآن 21 سنة بدأ معي الوسواس تقريباً في سن 16 سنة يعني في بداية الثانوية وكنت اوسوس(استغفر الله العظيم)زي ماقلتي في العقيدة وقاومته والحمد لله قدرت اتغلب عليه بعد سنة...
وبعدين الحمد لله كنت تمام ولما وصلت آخر ثالث ثانوي وانتي طبعاً عارفة الوضع النفسي والخوف من المعدل في ثالث ثانوي بدأ معي وسواس من نوع ثاني وهو اني صرت اوسوس في النظافة واخاف اني اصافح اي احد خاصة(الرجال)مع إنهم محارم لي اول ماالمس اي شي يخص احد غيري اقوم اغسل يدي وزي ماقلت سابقاً خاصة الرجال صرت اخاف منهم او المس اي شي خاص بهم لو قلم اوكوب او موبايل او اي شي على طول اقوم اغسل يدي احيانا بشكل مبالغ فيه(اعرف ان مشكلتي سخيفة وان من يقراها راح يقول عني مجنونة)
وبعد كذا الطامة الكبرى صرت اوسوس في نظافتي انا شخصياً وطول اليوم شغلتي اغسل ملابسي لو هي نظيفة واغسل اغراضي الشخصية مثل المفارش والأغطية والعباية ولو لمس اي شي ملابسي على طول اغسلها مو بس كذا اغسل ملابسي كل قطعة لحالها وبعدين اغير الموية والصابون واغسل القطعة الثانية وعلى هالحالة..خاصة في اوقات معينة من الشهر( اللي هي الاوقات اللي مااصلي فيها) تتعب نفسيتي وتزيد الحالة إلى درجة انه في بعض الأحيان ارمي بعض الملابس ولا يمكن البسها مرة ثانية واحياناً اغسلها بأكثر من مطهر واكثر من نوع من الصابون مع انها نظيفة(اعذريني اختي الكريمة ادري اني طولت الكلام لكن مالي إلا الله ثم انتم ياأخواتي وكان ودي افصل لك اكثر في هالناحية لكن زي ماانتي عارفة المنتدى مو بس بنات)ارجو انك فهمتيني..

لكن اللي معذبني في هالوقت ان الحالة تتطور واطلع من وسواس وادخل في اشد منه انا الحين احس اني مريضة وانه ممكن يمرض احد بسببس فصرت اخاف التجمعات علشان مااصافح الناس ولا احب المس اي شي لغيري وإذا انجرحت جرح بسيط ولو نزف شي بسيط اخاف اصافح او المس اي شي ودايما اراقب جسمي اخاف فيه جرح اوشي.....

اختي الكريمة :آسفة على الإطالة ولكن اعذريني ثلاث سنوات مكبوتة...
بارك الله فيك ووفقك لكل خير..
اختك المحبة:معاناة بصمت