اخصائية ساره

بيانات اضافيه [ + ]

رقم العضوية : 38941  تاريخ التسجيل :  06 2012  أخر زيارة : 19-05-2019 (01:10 PM)  المشاركات : 237 [ + ]  التقييم :  130

لوني المفضل : Cadetblue

اختي تمرين ايقاف التفكير

فكرته ان تستطعي ايقاف الفكرة بأي وقت ,,

بالبدايه بتحسين صعب ,, يعني بتجيك فكرة سلبية مثل ( الناس يناظروني )

هنا تقولين لها قف بعقلك .. بعد ماتوقفيها راح ترجع مره ثانية وبتقوى .. ترجعين توقفيها .. وبترجع وهكذا ..

بالبدايه راح تجدي صعوبة بايقاف الافكار بس مع الاستمرار .. راح تسيطري اكثر .. وتوقفين الفكرة بسهوله اكبر

هالتمرين استمري عليه اسبوع ..

اذا جاتك الفكرة السلبية وقفيها .. فكري بشيء اخر تماما ..

التمرين انك تفكرين بفكرة سلبية توقفيها بصوت عالي وبعدين فكري بشيء حلو تحبينه لين مايخف القلق
بعدين ارجعي فكري بفكرة سلبية لين ماتشعري بالقلق .. بعدين وقفيها بصوت عالي بعدين فكري بشيء حلو تحبينه

هذا تمرين .. يخليك تقدرين توقفين افكارك وتفكرين بأمر اخر بعيد عن الافكار السلبية

كذا راح تكوني متحكمه اكثر ومع تدريب لمدة اسبوع اسبوعين راح تلاحظي انك اكثر قدرة على تحكم بافكارك

ولما تقولين مع تكرار اخاف تثبت .. لا ماتثبت لأنك توقفيها وتفكرين بشيء ثاني .. انتي كذا تجردينها من قوتها ..

اهم شيء اختي انك تكوني 24 ساعه منتبه لأفكارك اي فكرة براسك تصنفينها هل هي فكرة سلبية ام ايجابية .. هل هي صحيحه او مبالغ فيها ؟؟ هل راح تضايقني ولا بتسعدني

لما نصنف افكارنا ونكون اكثر وعي فيها .. راح تشعري بالقوه اكثر اكثر .. والافكار السلبية بتضعف

تعرفي اختي اش سبب الامراض النفسية .. هي الافكار المبالغ فيها الخاطئة اللي تصور كل شيء بشع وسيء

واحنا نصدق هالافكار ونحس انها صدق ( مثل فكرة لا تتكلمين قدام ناس بيضحكون عليك ) < انتي قبل ماتتعلمي عن الافكار السلبية وكيفية ايقافها
كانت تجي هالفكرة براسك وتدور تدور وتأثر عليك وتصدقينها وتعطينها فرصه تلعب بعقلك وبجسمك وتخلي القلق يزيد وتخلي ضربات قلبك تدق وتخليك تتجنبي تروحي للناس ..

اما بعد ماتعلمتي عن العلاج المعرفي السلوكي وكيفة مراقبة الافكار وايقافها .. صارت هالفكره اول ماتجي في راسك .. تلاحظينها تصنفيها سلبية , مبالغ فيها , غير صحيحة
هنا انا يجب ان اوقف هالفكرة قف بصوت عالي .. افكر بأمر اخر تماما ..

يوم ورا يوم .. بتكوني اقوى واقوى بتحكمك بأفكارك