نفساني - عرض مشاركة واحدة

27-12-2001, 04:07 AM

السلام عليكم ورحمه الله وبركاته

هذي هي اول مشاركه لي وارجوا منكم ان تعطوني حل باسرع وقت ممكن
انا حبيت شخص حب جنوني وكنت فعلا مخلصه له ولكن وبعد فتره انا اكتشفت وبالصدفه بانه متزوج وعنده اولاد وهو كان يقول لي باني انا الوحيده في حياته وانه يبغاني زوجه له لانه يحبني (على كلامه بانه يحبني)

وبعد فتره من علاقتنا اتفقنا على الزواج لدرجه بانه يقول لي اي رجل يجيك ارفضيه لاني ابغاك لي لوحدي ولا ارضى اي احد ياخذك مني مهما كان

المشكله تجي هنا
صار بيني وبينه مشكله جدا تافهه للاسف قعد يتلفظ علي بكلام جدا جااااارح وبشكل ماتتصورون ومن ضمن الكلام قال لي بانه مايرضى يتزوج وحده كان لها علاقه معه وهو عارفني زين باني احبه مارضى بغيره بديل وكنت فعلا ابغاه زوج لي

وايضا كان من ضمن الكلام قال لي بانه كان يلعب بمشاعري وانه عمره ماحبني او فكر يحبني وكل كلامه لي كان كذب كذب وتسليه لااكثر ولا اقل
انا من جد انصدمت من هذا الكلام
وللاسف توني دريت عنه عقب ماحبيته حب جنوني وعقب ماصار لي كل شيء

انا ابغى منكم تساعدوني كيف اتصرف بهذا الموقف وانسى حبي له لاني فعلا اتعذب اللحين

لاني انا رومانسيه جدا وكنت اتمنى باني اتزوج رجل عن حب لاني سمعت عن زواجات عن طريق الحب وجدا ناجحه وانا خضت هذي التجربه وكنت فعلا صادقه فيها

ارجوكم تسااعدوني يامن لديهم الخبرررررررررره

ابنتكم الرومانسيه/سارا

المصدر: نفساني