نفساني - عرض مشاركة واحدة

10-12-2013, 08:31 PM

اقتباس:

المشاركة الأصلية كتبت بواسطة نورهه

السلام عليكم
مساء الخير ، اخباركم ، كلي امل انا حالتي بظبط مثلك طنشي وطنشي الافكار السلبيه انك وين وانك ماتدرين مين انتي لانها هي السبب وكمان وسواس المووت بعدد معي انا بس اطنشهه صح يتعب قووه
انا الحين خفيت كثيرررر الحمدالله لكن متى احس انها بتجيني لما افكر فيها واني بطلع اقابل احد اخاف تجيني الحاله او في الليل

وعليكم السلام اهلين أختي ..
والله ياأختك الاختلال أتعبني .. معي وسواس قهري ونوبات هلع وتوهم مرض ورهاب واكتئاب بس مافيه شيء تعبني زي الاختلال ..
تدرين كنت أحس به من وأنا طفلة! بس كان يجيني فترات متقطعة بس كان فعلا قوووي .. يمكن عشان طفولتي كانت صعبة ..
ومن سنتين وهو زايد والحين يوم بدأت أراجع طبيب وآخذ أدوية تزود القلق ببدايتها فالاختلال في أوجه .
خاصة لما أصحى من النوم والله أجلس نص ساعة عياشة بعالم غريب لاني صاحية ولاني نايمة مدري ويني فيه وأكون مرعوووبة وأحيانا تصكني نوبة الهلع ..
أما باقي اليوم تجي فترات بسيطة أنساه مرررررة وماأحس فيه وأنبسط بعدين بين ثانية وأخرى أدخل هالعالم المرعب وأي شيء أسويه مدري وشلون ماأحس إني أنا نفسي أسويه يعني مدري كيف بس يديني ماأحسها يديني شعور مبكي وكل الي حولي أحسهم مزيفيييين والدنيا كلها كذذذذذبة يااه شعور قاسي ..
ولما أطلع برا البيت طول الوقت الاختلال معي لدرجة حتى بالكلاس أجلس أطالع الدكتور أقول من جده الحين ذا موجود ولا أنا أحلم وأناظر بالي حولي شيء يقتل .. أحيانا أحس إني أنا الشيء الوحيد الحقيقي بها العالم وأحييانا العكس أحس إني ميتة جسد يمشي بلا روح أو أشك إني موجودة ..
ماعرفت عن اسم الشيء هذا الا قبل فترة بسيطة قبل ماقد تكلمت عنه كنت أحسب إني بنجن أو عشان خيالي واسع أشطح كذا مادريت إنه مرض ..
الله يكون بالعون بس . طيب كيف أطنشه يعني لما يجيني الشعور كيف أتعامل معه؟