|
شوركم وهداية الله000أأجل 00وإلا ماأجل؟؟
بسم الله الرحمن الرحيم
نتوكل على الهادي الأحد ونصلي على الحبيب المصطفى000
أبغى شوركـــــــــم 00أكيد ما عندكم مانع!!!
طيب 00تجهزوا00بس لا تتهاوشون00ولا تهسترون فيني00شوي شوي علي&
أكيد تقولون وش فيه ؟؟؟
بالهداوه هذا أنا بديت00&
بالذات قمر الدجى00وسموري00وغاليه000وضحى بعد حييّ000 وهلين والواهمه والبقيه أعذروني إذا نسيتكم000
وأخواني الأعضاء 00طبعاُ 00أنا سعوديه يعني عيب أكتب أسماء الأعضاء00حسب القوانيين السعوديه&
****************************
السالفه وما فيها أني أبغى أأجل الترم00يعني الفصل الدراسي00أبغى أعتذر عنه00وأدرسه السنه القادمه أن شاء الله إذا أنا حيه!!
طيب 00لا تعصبون00أكيد بتقولون ليه 00 الحقيقه أني الأيام ذي ما أدري وش فيني00كســــــوله مره 00عجازه00أحس اني مكتئبه00طفشانه مهمومه00ما لي نفس بالدراسه00نفسيتي زفت00الهموم تراكمت علي 00وأمور كثير تشغلني00أكره الكليه00ألا الآن ما داومت00وشتاء وتعرفون الأكتئاب الشتوي ومخاطره&
علشان كيذا فكرت أأجل الترم لكن محتاره بالحيل00مره أقول طيب كل الي بقى لي 3 أترام وش أنا خاسره00ومره أقول خلوني أخلص وأنفك
ولأن القسم الي أدرسه قسم صعب جداُ يعني يبغى له عقل متفتح طول الوقت00
والصراحه الي خلاني أفكر بالتأجيل هو أني أخاف الفشل00أخاف أخوضه مره ثانيه00سبق وأن تعرضت للفشل نتيجة ظروف00والله لا يوريكم00عشت فتره من أقسى فترات حياتي0
************************
سألت أبوي00وأبوي رجال على الموضه ديموقراطي00قال يا وليدي أنا ودي أنك تكملي 00ليه المماطله00لكن في النهايه الشور شورك00أعملي الي تشوفينه صح!
والصراحه تمنيت أنه ينهرني يحركني يعطيني جرعه نشاط والله لو نهري أحسن!
# امــــــي ما فكرت أسألها000لأن أمي ما يهمها أمري00سواء أجلت وألا لأ عادي عندها00أصلاُ من متى أمي عمرها أهتمت فيني00يتقول لي كلام يسم بدني00وتجرحني00مدري ليه؟
يمكن علشان أنا البنت الكبيره؟؟
أو يمكن علشان أنا تربيت مع جدتي الله يرحمها وأنا صغيره00يعني كنت بعيده عنها؟؟
الله يسامحك يمه00في النهايه أنا أحبك ولو أنك ما تسمعيني!!
في النهايه أنتي أمي الي تعبتي عليّ0
# سألت أخوي الكبير 00قعد يهز بكتوفه00مره نو ومره يس!00في النهايه قال لي أجلي وأنا أخوك00
تدرون ليه قال لي أجلي الترم00علشان00لما يطلب مني أعمله مكرونه بالباشمل ما أقول عندي مذاكره00مكار هالأخو!!
# سألت حمودي00أخوي الصغير وليدي الي ما جبته00_قال لي وس معنى أجل قلت يعني أغيب كثير_ قال وتلعبين معي بلاي ستيشن_ قلت أيه_ قال , وأنام عندك كل يوم_قلت أيه_ قال خلاث سوي أجل علثاني0
# حتى شغالتنا سألتها_ هي في النهايه أنسان وتتمتع بكامل الحقوق الأنسانيه تبع الأمم المتحده_ ولها حق المشاركه في التصويت وألانتخابات_ والصراحه أعتبرها قدوتي في التضحيه_ باعت دجاجها وغنمها علشان تشري جواز سفر وتجمع فلوس لولدها الي يدرس بجامعة جاكرتا!
قالت لي _ هازا شهاده واااايد مهم( طبعاُ الأخت كانت رايحه للكويت قبل كيذا يعني لهجتها_ أندو كويتيه))00المهم قالت هازا شهاده واااايد مهم سنو يأني يأجل00لا أنتي لازم يدروس كتير وينجه00والله يوفق00بأدين يصير مدرسه معلمه ويأخذ فلوس بأدين أنتي يأتي هديه مال أنا!
حتى سوما تيباروكيهاعومناسي_ وهذا أسمها الي بالجواز_حتى هي تدور مصلحتها!
# وديكنا (الديك) الي ورثته من جدتي00الله يرحمها ويسكنها الجنه ويجمعني معها00يا رب00وفيه ريحت الغاليه وأنا أحبه بالحيل00سالته من جانب أن الغرب يقدسون حقوق الحيوان00ويبترون يدي الأنسان ويأسرونه بأقفاص !
قال لي الديك_كوكوكو كاو كاكي_ وهذا طبعه إذا زعل يعني مو راضي!
***********************
عاد أنا لآن أبغى شوركم صراحه مدري ليه كتبت لكم؟؟
والله محتاره؟؟ أخاف أفشل _ وصراحه مالي نفس بالكليه أكرهها ما أقدر أدخلها_ مع أني الترم الأول نجحت بتقدير جيد جداُ مرتفع_ وتخصصي هو أدب أنجليزي_ صعب ويبغاله0
مع أن عمري 23 يعني بنظر الأسلام راشده وأقدر أتخذ قرارات_ لكن في الحقيقه_ أحس أني متلخبطه ومو عارفه وين طريقي؟؟
*********************
الله الله بالراي الزين00000وأحسن راي له عندي هديه00
هديه حسب القدره الكمبيوتريه!!
والله يوفقكم* ::7
|