|
قصتي مع فتى الأحلام في دروب الظلام
بسم الله الرحمن الرحيم
حبيت أبدأمشاركاتي بفتح لملفي الخاص وتمنى من الأعضاء أن يتقبلوني بصدر رحب ويساعدوني علشان أطلع من الجو القاتل الي أنا عايشه فيه وقصتي كالآتي:بعد ماتخرجت من الثانويه أستقبلتني أبواب الجامعه ومثل ماهو معروف حياة الجامعه تختلف كليا عن الأجواء الدراسيه في المدرسه من طبقات اجتماعيه مختلفه ونفتاح في كافة المجالات وأهلي ماقصروا وفروا لي كل أحتياجاتي الجامعيه وطبعا من ضمنها الجوال الي صار في مجتمعنا مثل الأكل وشرب وبدأت قصتي من هذي الحظه أوفي ليله من اليالي رن الجوال رديت وطلع صوت شاب يتكلم معاي ومثل ماهو معروف سكرت الجوال وماكلمته ألح وألح في الأتصال رديت من جديد:نعم خير؟ قال:يابنت الناس أنا ماأبي منك شي أنا حاب أنصحك وبس علشان مصلحتك.وبكلامه شدني الفضول وقال:بصراحه في شباب يتناقلون رقمك ويطعنون في عرضك.صدمني بكلامه وطبعا أنا قليلة خبره في الحياه وما عندي خلفيه عن هذي الأشكال أنا صدقته لأني أحسب الناس كلهم مثلي مايكذبوا وجرنا كلام ورى كلام واتصال ورى اتصال وأوهمني أنه يحبني وأنه يعرف أهلي ويشتغل مع أبوي وله علاقه به ومركزه مرموق في المجتمع والمملكه راح تبعثه لندن لأنه متفوق وقال لي قبل مايسافر أنه راح يخطبني واذا رجع نتزوج وأقنعني أنه كلم أبوي في الموضوع أووافق وراح نعلن خطوبتنا عن قريب وأنا بسذاجتي صدقته وبصدفه وبفضل الله وقبل مايهدم حياتي لأنه كثير كان يلح أطلع معاه ولما أسأله بصفتك من أطلع معاك يقول:خطيبك وفي المستقبل زوجك .وفي يوم من الأيام جاني أتصال من قريب له وبطبع أهو مثله ووصل الانحطاط فيهم أنهم يتسابقوا على من أكثر يحصل على ضحايا من البنات أمثالي وفضحه وكشف لي كل أسراره وكذبه ولما سألته وش السبب والمصلحه أنك تخرب على قريبك وبكل وقاحه يقول: لأنه أخذ مني بنت أعرفها . وكانت هاذي أكبر صدمه في حياتي ويليت وقفت عند كذا تصدقوا أن من ورى مكالماتي له وصلت فاتورة الجوال الى 5000الريال وطبعا من الفاتوره عرفوا أهلي بسالفه وأخذت طق وسطار من أبوي عمري ماحلمت فيه ولي عمره مامد أيده علي والي يفضلني على أخوا ني كلهم وبعدها حاولت أنتحر لكن ربي ستر وفشلت المحاوله ومنذاك اليوم كرهت أهلي وكل الدنيا وأنا أعيش في كئابه وحزن وكل ليله أصيح وأتمنى أموت ألف مره قبل مايحصل كل هذا .
أرجوكم ساعدوني علشان أنسى الي صار.[/SIZE][/SIZE]
|