|
انا : يابنت الحلال راح بنقلني الى الهوس. الدكتورة : لا تخاف انت تاخذ الديباكين ؟!
السلام عليكم
اعتذر عن الغيبة بسبب مشاكل حصلتني واسال الله ان يجعلنا عباد احسان لا عباد ابتلاء ..
ولا يزال المرض ثنائي القطب يسيطر على حياتي بمساعدة الرهاب الاجتماعي فقررت الذهاب الى دكتور او دكتورة بالتحديد للعلاج .
بحيث كنت استخدم طوال فتره المرض دواء الديباكين كرونو 500 حبه ونص لانه يناسبني اكثر من الادوية البديلة .
المهم دخلت على الدكتورة قالتلي وش رايك نغير علاجك ونعطيك دواء ابليفاي لعلاج ثنائي القطب فرفضت وقلت الديباكين يناسبني اكثر
وعلى كل حال المرض هذا مرض مزمن سواء خذيت الديباكين ولا ابليفاي وهي بعبارة عن مهدئات للمرض وليس لعلاج المرض من جذورة لانه للحين مافي احد تشافى منه كليا لابد من انتكاسات تمر علية من حين لاخر انا مابي اتكلم عن المرض لاني لو تكلمت عن المرض راح يحتاج لاكثر من موضوع واحد .
وقلت للدكتورة انا جاي بس ابي دواء لعلاج الرهاب الاجتماعي بس دون ان يتسبب الى الانتقال الى الهوس وهو الجنون .
قالتلي طيب مافي مشكله نعطيك السيروكسات .!!!
انا انصدمت قلت هذا الدواء راح ينقلني للهوس انا قريت عنه قالت لا لاتخاف انت تستخدم الديباكين كرونو وهو راح يثبت المزاج عندك ..؟؟!
الحين انا محتااار وخوفي انه ينقلني للهوس لان اخر مره خذيت دواء من دكتور فاااشل للاكتئاب الى يومكم هذا متحسف على اشياء كثيرة سويتها وسبب عندي عقدة نفسية وهي خوف مستمر وقلق من اي صوت مرتفع حتى لو كنت الحالي قلبي يدق بشكل رهييب يعني لاحد يجي ويقول اخذ وجرب .
ابي الي مجربين وخالصين وخاصة من المصابين بثنائي القطب والرهاب ؟؟؟
وااسف على الاطالة ..
وتذكرووا ان جميع المرضى النفسيين مهما كان مرضهم ان تعبهم لايروح هباء منثورا فالاجر يكتب لنا فكل لحظة وحين...
واملنا بالله كبير .
|