نفساني - عرض مشاركة واحدة - كل واحد مصاب بفوبيا الرهاب ويتلقى علاجا يجيب على الاسئلة التالية

23-01-2014, 08:46 PM

ياولد ماغير اجيكم مفلسع فاصل العداد ماشي 200 مطفي العالي واقول ومرة وحدة افصل عليكم واطلع هههههههههههههه لاااا وبعد كم يوم اقول ياولد مقعوله انا الي اعرف نفسي افهم واعرف حدودي مستحيل اتجاوزها واعرف الشي ان كان في صالحي او متى يكون ضدي انا اسوي هذا الشي معقولة حالتي وصلت الى هذي الدرجة من الدناءة والسماجة وقلة الحياة .....فاقد السيطرة على اخلاقي و نفسي وفي تعاملي معكم وانا في هذي الحالة ...تصور كيف يكون هذا الاسلوب في تعاملي في البيت مع اهلي وهم ملاحظين علي اشياء ماتسرهم شايفين اني مطينها وبايع عمري بريالين

كل هذا عشان احاول اني اتخلص من الرهاب الي غير من اسلوبنا وحتى في تفكيرنا وسبب لنا حالات واعراض غريبة ومنعنا ان نعيش مثل الاوادم محطمنا نفسيا واجتماعيا قطعنا قلوب امهاتنا علينا حالتنا مثيرة للشفقة مايكفيه انه ضيع مستقبلنا مايكفيه انه مسح فينا الارض ويقدر ويدعس علينا في وقت ومع هذا لا يزال مستمر في تدميرك وبدون مايرحمك

واعذرني على اسلوبي ولاتلومني اذا جيت وانا مقلع ومرفع لاني محرووووووم احاول استغل الوقت بدون الرهاب حتى وصلت الى مرحلة اكتب فيها بهوس وهذيان واكتب كلام غير مفهوم وملخبط

حبيت اقولكم اني باستمر على الافيكسور لشهرين واذكر لكم النتيجة وان شاء الله تكون نتيجة ايجابية تخليني اتواصل معكم بشكل طبيعي وتغنيني عن الي يخليني مثل البهيمة

وحاول انك تتعاطف مع النفسيات المسكينه واعطها على قد جوها تكسب الاجر عند الله