نفساني - عرض مشاركة واحدة

15-02-2004, 08:22 PM

سلامي للجميع
الأخت ام أحمد مشكورة على تعاطفك معي 0أنا من سكان الرياض وطبيبي الدكتور السبيعي0
صدقت في تشخيص حالتي وهو الخوف من الموت !!!!!ولكن ماهو السبب ؟؟؟صار يخوفني اي ألم أحس به أخاف من أي نبأ عن الموت خاصة الي يموتون فجأة 0أنا عارفة بتقولين كل واحد مكتوب له يومه قبل مايولد!!!!! أقسم بالله أني عارفة ومؤمنة بهذا الشئ بس ليه انا خائفة ماأدري0هل هذا ضعف ايمان والا مرض ؟؟؟؟؟؟؟
ليلة البارحة ماقدرت أنام ،أحس بشئ في جسمي غريب وضيقة شديدة مرة بصدري ،أخذت زناكس ونمت بعد معاناة 0ماحسيت بنفسي حتى بناتي لبسوا وتجهزوا للمدرسة بدون ماأحس فيهم وطبعاً أنا ماقدرت أداوم وماصحيت الا الظهر وأنا متكسرة وأحس بدوخة وأكتئاب بس ودي أبكي0
طبعاً مع هذا كله ماأستسلمت قمت ببعض الأعمال ودرست بنتي والحين أكتب لك مع أن بداخلي شئ غريب هل هو الاحساس بالموت ؟؟؟؟؟!!!!!! أحس أني مو أنا 0أحس أني ماني صاحية مو معقول أن الناس كلهم مايخافون !!!! بس ليه أنا كذا 0
هل تنصحيني بعمل فحوصات طبية؟؟ بعض الاحيان أقول يمكن اللي فيني شئ عضوي لأن مو معقول حوالي سنتين علاج ومانفع 0أو أروح لأحد يقرأ عليّ؟؟؟؟!!!!؟؟؟؟
ماعليش تحمليني لأن ماعندي أحد أكلمه ولاأحد مصدقني ،أحس أنهم يعتقدون أني أتشكى بس كذا والاّ خوف من العين 0ماأحد مصدق الاّ اللي مجرب0
أنا خايفة من الليل أحس أني يمكن أصير مجنونة من هاالآلام والشعور الغريب اللي أحس به0
وش تنصحوني به بس لو سمحتوا شئ أقدر عليه0
أختكم بركان ثائئئئئئئئئئئئئئئئئئئئئئئئئئئئئئئئر وتعبان0