نفساني - عرض مشاركة واحدة

29-12-2001, 10:57 PM

سؤالك غريب شوشو
ما تعرف انه فيه مصنع مره كومباني لا انتاج المره با انواعها؟:D :D

....وكانك تلمح الى التربيه والبيئه المحيطه
لكن في نظري ايضا ان الاصول والجذور لها بعض الدور با الاضافه الى التربيه والبيئه في انشاء المرء سواء كان رجلا او امراءه

ايضا قد تقتدي فتاه من اسره مفككه بشخصيه بعيده عن اسرتها فتكون هي الكوبي يعني نسخه عن تلك الشخصيه
عاد هي وحظها ممكن تقتدي بداعيه وعالمه وسيده مثقفه
او تقتدي بفنانه او ..............او..............او.

الهدايه من الله وكم فاجر ولد في بيت عابد
وكم من بيوت ضاله اخرجت لنا صالحين

اما موضوع السائق فا انا معك بس يا ترا يا شوشو وين الحل؟

يعني تبينا نسوق سيارات؟............" ما يرضون الله يهداك"

والا تبي الاخوان يسالون عن وخياتهم؟
مافي اخو يفكر با اخته او اهله في جيل اليوم
اجل وش نسوي ؟
نجيب سواق مع محرم؟ يكلف علينا

توو قبل وقت صديقه لي اعرفها صارت عليها قصه بقولها لك
ادري ثرثاره بس تحملني
هذي يا وخيي سلمك الله طلعت مع سواقهم اللي من زماان يشتغل في بيتهم يعني اعطوه الثقه
وهي با السياره طلب منها الجوال
استغربت قالت له وش تبي فيه
قال لها بكلم مدام
قالت عطني الرقم وانا اتصل لك
قال لها : اس فيه مدام , هزا مكالمه زروري سويه بس فايف مينيت

المسكينه اعطته الجوال من هنا
وهو النذل قفل ازارير السياره وقفل الشبابيك واسرع بسيارته خارج البلد

حاولت تفك الباب , حاولت تدبر حالها الين ربي نصرها وقدرت تفك الباب بس وهي ترمي بنفسها من السياره
هو يوم شافها رمت نفسها خاف وهرب
وهي الضعيفه حاولت تطلع الى اول الشارع حتى يشوفونها الناس ولقت لها ابن حلال اخذها ووصلها لبيت اهلها من غير ما يسال وش قصتها

صدقني ما بقى عظمه ولا عضله ولا وصله من جسمها ما تضررت من قوة الطيحه
السواق حتى يبري نفسه اتهمها با انها كانت متواعده معاه تصور
لو ما اهلها عارفينها كان دمر حياتها
...........
هذي قصة حقيقيه مو فيلم هندي

با الامانه يا شوشو وين دور الاخوان؟
ليش ما يصيرون سواقينا سعوديين ؟
كثير الشياب اللي قاعدين بدون وظايف؟
وكثير الشباب المستقيمين اللي يبون شغل

............
با النسبه للشغاله فرايي موجود في موضوع قديم:D :D