نسيم الحياة

بيانات اضافيه [ + ]

رقم العضوية : 46143  تاريخ التسجيل :  02 2014  أخر زيارة : 14-10-2014 (06:18 PM)  المشاركات : 16 [ + ]  التقييم :  10

لوني المفضل : Cadetblue

السلام عليكم

انا اعتقد دايما ان الانسان لازم يعمل تقييم فوائد و مخاطر اخذ الدواء من عدمه يعنى نشوف فى حالة اخذ الدواء

فالمخاطر تكون اعراض جانبية لا تظهر عند الجميع بنسب متساوية بل بنسب مختلفة و فيه ناس مش بتحس باى اعراض جانبية اصلا و فى غالبية الحالات تستمر الاعراض لمدة اسبوع او بضعة اسابيع حتى يتكيف الجسم مع الدواء ثم تختفى الاعراض او تقل لدرجة غير ملحوظة الأعراض كخمول و كسل و نوم و تأخر القذف و انخفاض الرغبة الجنسية و غيرها اللى ممكن تسألى عنها لكن اعلمى ان فيه تفاوت فى الاحساس بالاعراض و المر بيتوقف على روتين حياتك هل هتعيقك الاعراض عن روتين حياتك ام لا

,اما فى حالة التوقف عن العلاج ففى حالات ليست بالقليلة كتبت عن نجاحها فى الاقلاع عن الدواء لكن مش هكدب عليكى الغالبية بتعانى فى التوقف عن الدواء لأن له اعراض انسحابية كالصداع الشديد او الدوخة او غيرها من الاعراض ممكن تسألى عنها لكنها تختفى بمرور فترة من الزمن لا اعلمها فاذا هتستحملى اعراض الانسحاب لفترة مثلا فهتقدرى تقلعى عنه و فى بعض الحالات اللى ممكن تستمر فى العلاج بالدواء لمدة سنة مثلا و بعد الاقلاع يعود الرهاب فيرجع تانى للدواء

اما الفوائد فهى علاج الرهاب و تحسين روتين حياتك و اقبالك على الحياة بدون قلق او خوف كما انه هيفيدك فى عملك كمدرسة حيث هيعالج الرهاب و القلق تماما

لذا الأمر بيدك هل تفضلى التخلى عن روتين حياتك و استمرار الرهاب من اجل خوفك من الاعراض الجانبية ام تفضلى تناول الدواء و علاج الرهاب و القلق و الخجل ؟

انا عن نفسى باخد لسترال من عامين و الحمدلله العلاج فعال بشكل ممتاز لكن فيه بعض العادات الجانبية اللى ممكن تفشل العلاج كمثلا تناول المنبهات زى القهوة و الشاى و الكولا او اى مشروب يحتوى على كافيين و تناول مكملات غذائية تعمل على استئارة او تنبيه الاعصاب , لازم تحرضى على استرخاء اعصابك و هدوئها و عدم تنبيهها حتى لا تكون حساسة لأى منبهات
كمان انى فى الجامعة و مغترب و باسكن مع مجموعة اصدقاء فكثرة التفاعل و المواجهة مع الغير بتعمل على انجاح العلاج اما لما برجع اجازة لبيتى و بجلس يومين او ثلاثة منطوى و منعزل فبواجه ارتباك لما اواجه شخص لكن الارتباك لا يتطور لأعراض جسمانية لكن تجربتى بتدل ان المواجهة و التفاعل بجانب العلاج الدوائى بتحقق النتيجة المرجوة