نسيم الحياة

بيانات اضافيه [ + ]

رقم العضوية : 46143  تاريخ التسجيل :  02 2014  أخر زيارة : 14-10-2014 (06:18 PM)  المشاركات : 16 [ + ]  التقييم :  10

لوني المفضل : Cadetblue

بخصوص الشاى فامتنعى عنه تماما لأنه غنى بالكافيين المنبه للأعصاب و من تجربتى انا امتنعت عن القهوة و الشاى و اى مشروب فيه كافيين لأن المنبهات دى بتزود القلق و التوتر و كنت بشك فى العلاج لسترال انه غير فعال فى حين كنت بشرب النسكافية بكثرة لكن لما امتنعت عن المنبهات لقيت تحسن هائل ,

و بخصوص حبيسة البيت ,ازاى هتختبرى نجاح العلاج من فشله و انتى مش بتتعرضى لمواقف تختبرى فيها نفسك , انا بقول التدرج فى المواجهة ,امتنعى عن المنبهات و خدى العلاج بانتظام لفترة ثم لما تلاقى عندك استعداد للمواجهة ابدأى بالتدرج كلمى شخص قريب منك و اختبرى نفسك ثم لو نجحتى انتقلى لشخص اخر و لموقف اخر ,اختبرى نفسك بشدة و متسمحيش لفشلك فى موقف معين انه يثبط عزيمتك , جربى ثم جربى ثم جربى مش هتخسرى حاجة اكتر من اللى بتخسريه بحبس نفسك فى البيت و مش بقولك جربى خارج البيت , جربى داخل البيت مع اهلك مع اى طفل زائر مثلا , صدقينى نجاحك فى مواجهة موقف صغير جدا هيزودك بعزيمة و ثقة هائلة لتنتقلى لموقف اكبر

و كمان سؤال ايه الأدوية اللى بتاخديها ؟ فافرين ؟ انا عن نفسى باخد لسترال-زولوفت- من عامين و الحمدلله شغال بشكل جيد
و احب اقولك ان العلاج الدوائى وحده لا يكفى لن يصحح اى حاجة بل لازم ندعمه بالمواجهة , عن نفسى فانا طالب جامعى مغترب بسكن مع مجموعة من زملائى و بينى و بين زملائى و الناس كلها احتكاك و تعامل دائم 24 ساعة بدون خجل او رهاب او قلق او توتر حتى لو خفت قبل الموقف بفاجئ نفسى انجح فى الموقف بدون اى قلق او توتر لكن لما انزل اجازة لبيتى بعزل نفسى يومين ثلاثة جالس عالنت مش بتعامل مع ناس كتير , فلما بخرج اتعامل مع ناس بحس بارتباك و خوف لأنى ظللت ثلاث ايام لا اتعامل مع بشر رغم انتظامى فى العلاج لكن الحمدلله الارتباك و الخوف دا لا يتطور لأعراض جسمانية و بهدئ نفسى و بنجح فى تجاوز الموقف بخير , يعنى اقصد ان المواجهة ضرورية بجانب العلاج الدوائى