املي بالشفاء

بيانات اضافيه [ + ]

رقم العضوية : 43817  تاريخ التسجيل :  06 2013  أخر زيارة : 17-02-2014 (06:09 PM)  المشاركات : 5 [ + ]  التقييم :  10

لوني المفضل : Cadetblue

العلاج الوحيد بإذن الله

السلام عليكم ورحمة الله وبركاته...
انا كنت متابعة لهذا المنتدى قبل اشهر عديدة وتوقفت بعد ما اخذت على روحي عهد اني ما اتصفح اي موقع يتحدث عن الامراض النفسية بتاااتا لأنه هذا الشي يخليك تدور بدوامة وهذا يقول كلام وهذا يقول كلام ثاني.
المهم انا اول مرة اكتب في منتدى في حياتي ، والسبب الوحيد اللي مخليني اتشجع واكتب هالموضوع إني دعيت لربي لو دلني على طريق الشفاء من هذا المرض راح احاول اساعد اي شخص يمر بهالمرض اللعين .

قصتي باختصار...
انا بطبعي شخصية قلقة ودائما أكبر الأمور وأعطيها اكبر من حجمها بس كنت متعايشة مع نفسي ،يعني حياتي ماشية على الرغم من إني اكره هالصفة فيني. المهم بعد فترة من الضغوط النفسية الشديدة دخلت في حالة قلق شدييييد ونوبات هلع متواصلة خلت حياتي جحيم ووصلتني للأكتئاب.
لا أقدر انام ولا آكل واروح شغلي وما اقدر حتى اشتغل من كثر ما احس حالي مخنوقة واهرب من الشغل. كانت ايااام سووودة وحسيت اني راح افقد عقلي وصحتي وزواجي وكلشي. ما خليت شيوخ ولا مستشفيات.
اخر شي راجعت دكتورة نفسية وكتبت ليي حبوب سيبراكس ووافقت اخذها عللى مضض بس ابغي الشي اللي فيني يروح وارجع طبيعية.
كل هالمقدمة الطويلة عشان نوصل للمهم...
مرة بالصدفة وانا ابحث في النت كالعادة عن العلاج السحري لهالحالة دخلت بالصدفة موقع www.anxietynomore.co.uk
صاحب هالموقع اسمه paul david وكان يعاني من هالمرض لمدة عشر سنوات وبعدين تشافى ، ونفسه هالموقع دلني على كاتبة اجنبية مشهورة اسمها clair weeks هي الدكتورة الاولى اللي تكلمت عن هالمرض وشلون نتخلص منه .
كل اللي اتمنى منكم انكم تدخلون هالموقع او تبحثون عن كتب هالدكتورة لانها عندها عديد من الكتب عن هالموضوع ،لانه في رأيي الطرق اللي يعلمونها هي الطريقة الوحييييييدة للعلاج، وبفضل الله ثم فضلهم تمكنت اني اترك الحبوب بعد ما اخذتهم عشر شهور وحاليا ماشية في طريق الشفاء ولله الحمد.
للأسف ما شفت ولا موقع عربي يتكلم عن هالشخصين وتقنيتهم في العلاج .
ما ابغي منكم غير تبحثون عن هالشخصين و تطبقون كلامهم وراح تتشافون بإذن الله. ولا تنسوني من دعواتكم.

المصدر: نفساني