نفساني - عرض مشاركة واحدة

19-02-2004, 10:53 AM

ابو مروان وش سويت فيني احزني العنوان فظنيت انه الفراق منك لا من السنه الهجريه نقرتين لعرض الصورة في صفحة مستقلة

::

4

وانا اقرا العنوان بين مكذب ومصدق وكنت اميل لتكذيب وادور اي شي انسب الفراق له ماعداك والحمدالله حصل المراد وكانت سنه الهجريه .... هي فعلا رحلت وستاتي اعوام اخرى لترحل ولا باقي غير الخالق هي سنة الله لاشك في ذلك اعجبتني جملتك ( الخاسر من لااحلام له ) نعم صدقت الانسان بدون حلم يصبح انسان بلا طعم بلا وجود ذاتي خاص فيه ...صدقني اعرف اناس رزقوا بالخيرات وانعم الله عليهم ليصبحو من تجار مدنهم ... وكنت مع احد هؤلاء التجار بعد عمره الاربعين فقال لي .... المعنى الحقيقي للانسان هو تحقيق حلمه الخاص فيه ...المال سيوله فقط الحلم هو كل شي .... ولازالت يابا مروان يحدوني الامل في تحقيق حلمي وانا على تخطيط دقيق لتحقيقه ....

ابو مروان تكفى خلني على ظني هذا وعلى ان السنه رحلت ..... لاتفكر برحيل عنا ابو مروان لاتعلب بأعصاب اخوك المحب لك .....لازلت احبك واعتبرك من اخواني الكبار وصدقني لكن معزه كبيره في قلبي .... وخوك الصغير ثامر .... يقولك امام الناس تكفى لاتفكر ترحل مجرد التفكير لاتفكر تكفى ..... طلبتك واظن ان لي معزه ولو بسيطه تشفع لي بطلبي ......

ابو مروان ترى انا كنسلت السفره للكويت هالاسبوع وطلعت مع الوالد وجدي والعوائل كلهم للبر في الساجي بالقرب من النعيريه .... انا اكتب لك من النعيريه الان ..... وشرايك تجي تتعشى عندنا الليله وتسمر لصبح معنا .... يا بتفلسف عليك جدي فلسفه .... شرط يخليك تدمن على سوالفه ولو تبي لعب ورق اربعه ولا طائره ولا مطارد جرابيع ولا نسوي حنيذ الاكل المعروفه وندقنها بالرمل ونشوي الكبده ونشرب المرق ونشب النار ونضحك وش ماخذ من الدنيا يا ابو مروانو تعال وابشر بسعدك الليله ودي احط رقم جوالي عشان تدق علي وتجي ... بس يمكن يسون لي قلق هنا ... فا ماني عارف الطريقه تدري شلون انت تعال الليله وتعد الزور وكانك متجه للخفجي والكويت بيجيك مفرق النعيريه يمين اخذ يمين وروح اربعه كيلو ويجيك علامه على اليمين مكتوب عليها الخليفه على برميل اصفر ..... لاجيت هالعلامه اللي باليمين اخذ يسار وادخل البر خمس مية متر وتلقى خيامنا اربع اسال عني معي صنى لونها لؤلؤي الفين وثنين ... :)

انا وصفة لاتردني لازم تجي لازم الليله الخميس عشاك عندنا

:)