نفساني - عرض مشاركة واحدة

14-02-2014, 04:36 PM

اقتباس:

المشاركة الأصلية كتبت بواسطة بنت الظبي

العفو يامحمد

انا بخير ونعمه وينقصني اني اكون مبسوطه

الحمدلله على النعم اللي عندي ، بس اتمنى من رب العالمين

يشرح لي صدري

تدري ؟!!

عندنا في وحده من الحدائق مثل السوق ، بما انه الجو حلو ، يكون بس يوم الجمعه

فقلت ليش ما اجرب اروح له، مع انه مفتوح من

ثلاث شهور تقريباً

طلعت مع بنات اختي وشفت الدنيا

والناس كيف مبسوطه واللي يعمل رياضه واللي يشوي

حسيت انه مافي طريقه تقلص الاكتئاب الا انه اجبر نفسي على الاندماج مع المجتمع

محد راح يحس بي او يشل مرضي لو حبست نفسي في البيت

صح ما احس بالوناسه بس على الاقل احسن من قعدة البيت

-----------------------------------------------------------------------------------------------

صادقة والله بس على الاقل الواحد يشم هواء وصراحة الحبسة والوحدة ما راح تفيد

احس بمشاعرك الحزن والتفكير والوحدة امر صعب خاصة

لكن صدقيني لو لقيتي صديقة تفهم عليك وتحبك وتحبينها وتفهم وضعك وتقدره راح يخف الشعور بالوحدة والانعزال

على الاقل عندكم اماكن يقدر الواحد يطلع فيها وخاصة البحر احبه واقدره مدري يمكن لانه ما عندنا بحر

لما اروح لاختي في الشرقية اروح على الكورنيش بالخبر او الدمام مع كاس الشاي اجلس اتامل افكر

المكتئب لما يخف عليه الاكتئاب تلاقينه يستمتع باقل الاشياء بلعب مع الاطفال او مسلسل او قهوة في سوق تحسه مثل الطفل برئ ما فيه قلب لا حسد ولا غل ولا طمع مثل الطفل يستمتع بكل شي لكن هذا الشعور ما يجي الا نادر وساعات ويرحل عنك ويحل بعده الجحيم حتى تصبح اصغر الاشياء معقدة ومتعبة مثل الاستحمام و وغيرها من الامور التافهة ولو عطيته مال قارون ما فرح ولا استمتع

بس الحق يقال الاكتئاب اخف مليون مرة من الانفصام انا لازلت في الانفصام اصعب الامراض العقلية اكثر تعب وتعقد فما بال شخص مصاب بالامراض العقلية والنفسية والعضوية اكيد مع مرور اكثر من 12 سنة صارت تراكمات وانتكاسات الله اعلم به