15-02-2014, 08:43 PM
|
#8
|
|
مشرف ملتقى الاكتئاب
للادويه سلبيات قد تدمرك
|
بيانات اضافيه [
+
]
|
|
رقم العضوية : 37575
|
|
تاريخ التسجيل : 02 2012
|
|
أخر زيارة : 18-07-2020 (11:37 PM)
|
|
المشاركات :
4,905 [
+
] |
|
التقييم : 234
|
|
الدولهـ
|
|
الجنس ~
|
|
|
لوني المفضل : Teal
|
|
ميوي اولا اسال الله لك العافيه الكامله الدائمه يا رب
ثانيا لازم تحصرين افكارك بامور تبعدك عن هالوسواس , حطي لك جدول واعتبريه واجب عليك وفرض ما تخلينه ابدا الا لضروره
مثلا نبدا بالصلاه واوقات الصلاه اشغلي افكارك بالصلاه وانتظار الصلاه ومتى وقت الصلاه الجايه , اشغلي تفكيرك بالسنن الرواتب و الضحى وقيام الليل
اشغلي تفكيرك بصفحات من القران و بالاذكار اذكار الصباح واذكار المساء واذكار النوم واذكار ما بعد الصلاه واذكار الدخول والخروج من المنزل ..الخ , طبعا انتي بالطريقه هذي كسبتي اشياء
حسنات و اشغلتي تفكيرك عن الوسواس وباذن الله راحه , ايضا اشغلي تفكيرك بالترتيب في البيت والاهتمام بنفسك من تفريش للاسنان و الاكل الصحي خلي الامور هذي من الضروريات عندك
اشغلي تفكيرك مثلا بالانترنت الالعاب تصفح المواقع ومشاهده اليوتيوب بما يفيدك او مباح , عطي اهلك وقت تقضينه معهم وتضحكين وتستهبلين , اذا قدرتي تسوين رياضه لو شي بسيط مثلا لعبه القفز بالحبل او المشي
ابعدي عن المنبهات شاهي قهوه مشروبات غازيه لانها راح تتعبك , واستبدليها بحليب دافئ شاي اخضر زنجبيل يانسون وعصيرات , طبعا هذي مهدءات طبيعيه ومع الوقت بتحسين بفائدتها ان شاء الله
نقص الفيتامينات يسبب مشاكل نفسيه عشان كذا اشتري مكمل غذائي اسمه سنتروم حبه يوميا الين تنتهي العلبه ضروري تشترينه , سوي تحليل لفيتامين دال لان نقصه يسبب مشاكل كثيره في الجسم
المهم اعملي خطط ليومك وحطي فيه امور كثيره تهتمين فيها وتكون واجب يومي عليك , اي شي تحبين تضيفينه لجدولك ضيفيه , ان شاء الله بالامور هذي راح يروح الوسواس ويطفش وكل ما جاء الوسواس
وقال لك مثلا بتموتين , اضحكي وقولي اهاه خير ان شاء الله ايه ندري كل العالم بتموت وطنشيه وانتي مبتسمه وباذن الله مع الوقت بترتاحين
باختصار , 1 - جدول باعمال سواء دينيه او اجتماعيه او ترفيهيه
2 التطنيش والاستهبال على الوسواس
3 الاكل (الصحي) وبناء الجسم ليرتاح العقل والجسم
في الاخير اذا طبقتي الامور هذي راح تحتاجين وقت يمكن شهر او اكثر عشان يضبط وضعك باذن الله , وعليك بالدعاء والصدقه وباذن الله راح تكون حياتك طيبه
(كنت كاتب كلام مفصل اكثر من هذا بس طارت الصفحه وعدت من جديد هههههههه) انقهرت من جد لكن يلا لعلها خيره :) احس فيه امور مهمه كتبتها ونسيتها لكن ان شاء الله اذا تذكرت شيء راح اكتبه
تمنياتي لك حياه طيبه وسعيده
|
|
|
|