نفساني - عرض مشاركة واحدة

17-02-2014, 12:30 AM

اقتباس:

المشاركة الأصلية كتبت بواسطة حنين الذكرى"

ايه ...... انبدلت كبدي وانقهرت هذا مو اول مره ! كم عضو يجي يخربط وينقلع .

سبحان الله قعدت اقرا كثير واشوف التعليقات , وكتبت رد وكنت ناوي ارسله بس سبحان الله يوم جيت برسله ناداني ابوي ورحت ويوم رجعت ابي ارسله الا و الموضوع صار مغلق ههههههههههه مكتوب ومقدر وبعدها طابت نفسي اني ارد عليه.

المهم استاذه حنين , خليك متعوده على امور مثل ذي ولا تتوقعين العالم كلها بتكون مثل ما انتي تفكرين , انتي منقهره و هو ما درا عنك ويبتسم لان لك فكرك وله فكره , دعي الخلق للخالق ولا عليك الا من نفسك

وكويس اني ما جيتكم هنا قبل كم سنه ههههههههههه كان مخي ضارب بسبب الادويه وصارت عندي شكوك ومشاكل لكن الحمدلله , كل شي عدى على خير , الظاهر كنتي بتطيريني مع باب الموقع ههههههههه

انا حاليا ما اهتم باحد لان كل شي موجود في الانترنت ويقدر يبحث ويدور على الحق , صح ممكن اهتم لكن باللي يقول انا ضايع او في مرحله شكوك لكن اللي مقتنع قناعه كامله بالفكر اللي هو عليه بقول له ابحث في الانترنت و انت وضميرك

اللي يبي الحق راح يوصله الله للحق , اما اللي عاجبه وضعه برغم معرفته للحق ويكابر فهذا عاد مرده الى الله و الله بيناقشه ويحاسبه , احيانا الامراض تكون سبب واحيانا الادويه تكون سبب , الله ممكن يعذر اللي عندهم اسباب لانه ارحم الراحمين و الله خبير بالعباد , لكن المشكله اللي طاقتهم العافيه , وفي الاخير كل شي ابتلاء , ولن نستطيع ان نغير احد , قال تعالى (انك لا تهدي من احببت ولكن الله يهدي من يشاء)

فكري بنفسك وانسي العالم , وفي الاخير خلوا الموضوع هذا بعيد عن مثل هذي النقاشات , نبي المكان ذا نصح في الخير والمساعده والضحك و الاكل والشاي الاخضر ههههههههه لا نريد ان نخرج خارج هذا النطق وبذلك باذن الله سنسعد وننبسط ونرتاح :)